ବ୍ରହ୍ମପୁର: ଲକଡାଉନ୍ ସମୟରେ ସୁରଟରୁ ଗଞ୍ଜାମ ଫେରିଥିଲେ ହଜାର ହଜାର ଶ୍ରମିକ । କୋଭିଡ୍ ଭୟରେ ଅନେକ ନିଜ ଗ୍ରାମରେ ଦୀର୍ଘ ଦିନ ଧରି ଅନେକ ଦୁଃଖ କଷ୍ଟରେ ରହିଲେ । ହେଲେ ସରକାରଙ୍କ ଅନଲକ୍ ପରେ କେତେକ ପ୍ରବାସୀ ଓଡିଆ ସରକାରଙ୍କ ଶ୍ରମିକ ସ୍ବତନ୍ତ୍ର ଟ୍ରେନରେ ବାହାରିଥିଲେ ନିଜ କର୍ମକ୍ଷେତ୍ରକୁ । ହେଲେ ଅନେକ ଅର୍ଥ ଅଭାବରୁ ଅଟକି ରହିଯାଇଥିଲେ ନିଜ ଅଞ୍ଚଳରେ । ଆଉ ଶେଷରେ ପ୍ରବାସୀ ଶ୍ରମିକ ସୁରକ୍ଷା ମଞ୍ଚର ସହାୟତାରେ ଏକ ସ୍ବତନ୍ତ୍ର ଟ୍ରେନରେ ଏମାନଙ୍କୁ ସୁରଟକୁ ନିଆଯାଇଛି ।
ପ୍ରବାସୀ ଓଡିଆଙ୍କୁ ନେଇ ବ୍ରହ୍ମପୁରରୁ ସୁରଟ ଗଲା ସ୍ବତନ୍ତ୍ର ଟ୍ରେନ
ନିଜେ ଏବଂ ନିଜର ପରିବାରକୁ କୋରୋନା କାଳରେ ଟିକେଟ୍ କରି ଯିବାକୁ ଅସମର୍ଥ ରହିଥିବା ଗଞ୍ଜାମର ବହୁ ପ୍ରବାସୀ ଓଡିଆ ପରିବାର ଶେଷରେ ଏହି ସ୍ବତନ୍ତ୍ର ଟ୍ରେନ ଯୋଗେ ବ୍ରହ୍ମପୁରରୁ ବାହାରି ସୁରଟ ଯାଇଛନ୍ତି । ଦୀର୍ଘ ଦିନ ଧରି ନିଜ ଅଞ୍ଚଳରେ ରହି କୌଣସି କାର୍ଯ୍ୟ ନମଳିବାରୁ ଶେଷରେ ବାଧ୍ୟ ହୋଇ ସୁରଟକୁ ଯାତ୍ରା କରୁଥିବା କହିଛନ୍ତି ଅନେକ ପ୍ରବାସୀ ଓଡିଆ ।