ବ୍ରହ୍ମପୁର:ଆସନ୍ତା ପଞ୍ଚାୟତ ନିର୍ବାଚନ -୨୦୨୨ ନିମନ୍ତେ ମାଷ୍ଟର ଟ୍ରେନର ମାନଙ୍କୁ ଦିଆଗଲା ତାଲିମ୍ । ସଦର ମହକୁମା ଛତ୍ରପୁର ସ୍ଥିତ ଓସ୍ବାନ୍ ହଲ୍ ପରିସରରେ ଜିଲ୍ଲାପାଳଙ୍କ ଅଧ୍ୟକ୍ଷତାରେ ମାଷ୍ଟର ଟ୍ରେନର୍ ମାନଙ୍କୁ ତାଲିମ ପ୍ରଦାନ କରାଯାଇଥିଲା । ଏହି ଅବସରରେ ଜିଲ୍ଲାର ସମସ୍ତ ଗୋଷ୍ଠୀ ଉନ୍ନୟନ ଅଧିକାରୀ, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ, ତହସିଲଦାର ଅତିରିକ୍ତ ତହସିଲଦାର, ଉପଜିଲ୍ଲାପାଳ ଏବଂ ପଞ୍ଚାୟତର ଏସ୍.ଡି.ପି.ଓ ଗଣତାଲିମ୍ ନେଇଥିଲେ ।
ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ପୋଲିଂ ଅଫିସର ମାନଙ୍କର ଦାୟିତ୍ଵ ଓ କର୍ତ୍ତବ୍ୟ ଉପରେ ଆଲୋକପାତ କରିଥିଲେ । ଗ୍ରାମ ପଞ୍ଚାୟତର ନିୟମ ଓ ପ୍ରିଜାଇଡିଂ ଅଫିସର ହ୍ୟାଣ୍ଡ ବୁକ୍ ଅନୁସାରେ ନିର୍ବାଚନ କାର୍ଯ୍ୟକୁ ପରିଚାଳନା କରିବା ପାଇଁ ନିର୍ଦ୍ଦେଶ ଦେଇଥିଲେ । କୋଭିଡ୍ ଗାଇଡ୍ ଲାଇନ୍ ଅନୁସାରେ ସମସ୍ତ ତାଲିମ୍ କାର୍ଯ୍ୟକ୍ରମ ଓ ପୋଲିଂ କାର୍ଯ୍ୟକ୍ରମ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା । ଏହି ଅବସରରେ ଆୟୋଜିତ ଅତିରିକ୍ତ ଜିଲ୍ଲାପାଳ (ରାଜସ୍ବ) ପ୍ରିୟରଞ୍ଜନ ସୃଷ୍ଟି ସମସ୍ତ ମାଷ୍ଟର ଟ୍ରେନର୍ ମାନଙ୍କୁ ପୋଲିଂ ଅଫିସର ମାନଙ୍କର ଦାୟିତ୍ର ଓ କର୍ତ୍ତବ୍ୟ ବିଷୟରେ ବିଷଦ୍ ଭାବରେ ତାଲିମ୍ ଦେଇଥିଲେ ଏହି ମାଷ୍ଟର ଟ୍ରେନର୍ ମାନେ ଚଳିତ ମାସ ୨ ତାରିଖ, ୮ତାରିଖ ଓ ୯ ତାରିଖରେ ସଂପୃକ ବ୍ଳକ୍ ହେଡକ୍ରାର୍ଟର ଓ ବ୍ରହ୍ମପୁର ଠାରେ ପୋଲିଂ ଅଫିସର ମାନଙ୍କୁ ତାଲିମ୍ ଦେବେ ।