ବ୍ରହ୍ମପୁର ସହରରେ କଡାକଡି ଲକଡାଉନ, ପୋଲିସ ଛାଉଣୀରେ ସାଧାରଣ ଜନଜୀବନ

ବ୍ରହ୍ମପୁର ସହରର ସମସ୍ତ ସାହିର ମୁଖ୍ୟ ରାସ୍ତାକୁ ସିଲ କରିଛି ପ୍ରଶାସନ । ଏପରିକି ସମସ୍ତ ପ୍ରମୁଖ ସାହିର ପ୍ରବେଶ ପଥ ସହିତ ସହରର ମୁଖ୍ୟ ରାସ୍ତାକୁ ସଂଯୋଗ କରୁଥିବା ରାସ୍ତାକୁ ବାଉଁଶ ବନ୍ଧା ଯାଇ ସିଲ୍ କରିଛି ପ୍ରଶାସନ । ଦେଖନ୍ତୁ ରିପୋର୍ଟ...

ବ୍ରହ୍ମପୁର: ବ୍ରହ୍ମପୁର ସହରର ସମସ୍ତ ସାହିର ମୁଖ୍ୟ ରାସ୍ତାକୁ ସିଲ କରିଛି ପ୍ରଶାସନ । ଗୋଟିଏ ପଟେ ଲକଡାଉନକୁ ନେଇ ସହରରେ ପୋଲିସ ଏବଂ ପ୍ରଶାସନ ପକ୍ଷରୁ ସହରରେ ଘରୁ ଯେପରି କେହି ନ ବାହାରିବେ ଏବଂ ମୋଟର ସାଇକେଲ ଚଳାଚଳ ନ ହେବ ସେନେଇ ପଦକ୍ଷେପ ଗ୍ରହଣ କରାଯାଇଥିବା ବେଳେ ପୋଲିସ ପକ୍ଷରୁ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏପରିକି ସମସ୍ତ ପ୍ରମୁଖ ସାହିର ପ୍ରବେଶ ପଥ ସହିତ ସହରର ମୁଖ୍ୟ ରାସ୍ତାକୁ ସଂଯୋଗ କରୁଥିବା ରାସ୍ତାକୁ ବାଉଁଶ ବନ୍ଧା ଯାଇ ସିଲ୍ କରିଛି ପ୍ରଶାସନ ।

ବ୍ରହ୍ମପୁର ସହରର ବିଜିପୁର ଛକରେ ରାତ୍ରି ସମୟରେ ତିନି ପଟୁ ସଂଯୋଗ କରୁଥିବା ଅଞ୍ଚଳରେ ପୋଲିସ ପକ୍ଷରୁ ଜାରି ରହିଛି କଡା ଯାଞ୍ଚ ବ୍ୟବସ୍ଥା । ରାସ୍ତାରେ ଯାଉଥିବା ବ୍ୟକ୍ତି ବିଶେଷମାନେ କାହିଁକି ଏବଂ କେଉଁ କାରଣ ପାଇଁ ବାହାରିଛନ୍ତି ତାହାକୁ ପଚାରି ବୁଝୁଛନ୍ତି ଦାୟିତ୍ବରେ ଥିବା କର୍ମଚାରୀମାନେ । ତେବେ କିଭଳି ଚାଲିଛି ବ୍ରହ୍ମପୁରର ବିଜିପୁର ଛକରେ ପୋଲିସ ପ୍ରଶାସନର କଡାକଡି ଯାଞ୍ଚ ବ୍ୟବସ୍ଥା ସେନେଇ ଅଧିକ ସୂଚନା ଦେଉଛନ୍ତି ଆମ ସମ୍ବାଦଦାତା ।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ