ତାମିଲନାଡୁରୁ ଆସୁଥିବା ବେଳେ 4 କିଲୋ ସୁନା 235 କିଲୋ ରୁପା ଜବତ

ଗୋଷାଣିନୂଆଗାଁ ଥାନା ପୋଲିସ ଏକ କାରରେ ବ୍ରହ୍ମପୁର ସହରକୁ ଆସୁଥିବା ପ୍ରାୟ ୨୩୫ କିଲୋଗ୍ରାମ ଓଜନର ରୂପା ସମେତ ଚାରି କିଲୋ ସୁନାକୁ ଧରି ଏହାର ତନାଘନା ଆରମ୍ଭ କରିଛି । ଅଧିକ ପଢନ୍ତୁ...

ବ୍ରହ୍ମପୁର: ତାମିଲନାଡୁରୁ ବ୍ରହ୍ମପୁର ସହରକୁ ଆସୁଥିବା ବହୁ ପରିମାଣର ସୁନା ଓ ରୂପାକୁ ଧରି ଯାଞ୍ଚ କରୁଛି ବ୍ରହ୍ମପୁର ପୋଲିସ । ସହରର ଗୋଷାଣିନୂଆଗାଁ ଥାନା ପୋଲିସ ଏକ କାରରେ ବ୍ରହ୍ମପୁର ସହରକୁ ଆସୁଥିବା ପ୍ରାୟ ୨୩୫ କିଲୋଗ୍ରାମ ଓଜନର ରୁପା ସମେତ ଚାରି କିଲୋ ସୁନାକୁ ଧରି ଏହାର ତନାଘନା ଆରମ୍ଭ କରିଛି ।

ତେବେ ଏହି ସୁନା ଓ ରୁପା ତାମିଲନାଡୁର ସେଲମ ଅଞ୍ଚଳରୁ ଆସୁଥିବା ଜଣାଯାଇଛି । ହେଲେ ଏହି ଘଟଣାରେ ଏତେ ପରିମାଣର ସୁନା ଓ ରୁପା ସରକାରୀ ନିୟମ ଅନୁଯାୟୀ କ୍ରୟ କରାଯାଇଥିଲା ନା ବେଆଇନ ଭାବରେ ଅଣାଯାଉଥିଲା, ତାହା ପୋଲିସର ତଦନ୍ତ ପରେ ସ୍ପଷ୍ଟ ହେବ ବୋଲି ସୂଚନା ଦିଆଯାଇଛି । ତେବେ ଏହି ମାମଲାରେ ତିନି ଜଣଙ୍କୁ ଅଟକ ରଖି ପଚରାଉଚରା କରୁଛି ପୋଲିସ ।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ