ବ୍ରହ୍ମପୁର: 1999 ମସିହା ଜୁଲାଇ ମାସ । ଦୀର୍ଘ ଦୁଇ ମାସ ଧରି ସୀମାରେ ଭାରତ ଓ ପାକିସ୍ତାନ ମଧ୍ୟରେ ଚାଲିଥିବା ଯୁଦ୍ଧର ଘଟିଥିଲା ଅନ୍ତ । ଦେଶର ବୀର ଯବାନ ନିଜ ଜୀବନର ବଳିଦାନ ଦେଇ ସ୍ବର୍ଣ୍ଣିମ ଅକ୍ଷରରେ ଲେଖିଯାଇଥିଲେ ଇତିହାସ । ସେହି ଇତିହାସକୁ ପୂରିବାକୁ ଯାଉଛି 20 ବର୍ଷ । ସାରା ଦେଶ କାର୍ଗିଲ ବିଜୟ ଦିବସ ପାଳନ ପାଇଁ ପ୍ରସ୍ତୁତ ହେଉଥିବା ବେଳେ ଓଡିଶାରେ ମଧ୍ୟ ବୀର ଓଡିଆ ଶହୀଦଙ୍କୁ ମନେ ପକାଇଛନ୍ତି ରାଜ୍ୟବାସୀ ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ଲାନ୍ସ ନାଏକ ଏସ୍.ଶ୍ରୀନିବାସ ପାତ୍ର । କାରଗିଲ ଯୁଦ୍ଧରେ ପ୍ରାଣ ହରାଇଥିବା ଗଞ୍ଜାମ ଜିଲ୍ଲାର ପ୍ରଥମ ଓଡିଆ । ବିଡମ୍ବନାର କଥା କି ଶ୍ରୀନିବାସ ଛୁଟି ନେଇ ନୂଆ ଜୀବନ କରିବା ପାଇଁ ଆସିଥାଆନ୍ତି । ବେଶ ଧୁମଧାମରେ ଘରକୁ ଆସିଥାଏ ନବବଧୂ । ହେଲେ ବିବାହର ମାତ୍ର 6 ଦିନ ପରେ ଦେଶ ମାତୃକାର ସେବା ପାଇଁ କାରଗିଲରୁ ଆସେ ଲାନ୍ସ ନାଏକଙ୍କ ପାଇଁ ଡକରା । ଆଉ ନୂଆ ଜୀବନକୁ କ୍ଷଣିକରେ ଛାଡି ଯୁଦ୍ଧ କ୍ଷେତ୍ରରେ ଆଗେଇ ଚାଲିଥିଲେ ଶ୍ରୀନିବାସ ।