ବ୍ରହ୍ମପୁର: ରେଶମ ସହର ବ୍ରହ୍ମପୁରକୁ ଆହୁରି ସୁନ୍ଦର କରିବାକୁ ଅଣ୍ଟା ଭିଡିଛନ୍ତି ଆଇଟିଆଇ ଶିକ୍ଷାନୁଷ୍ଠାନର ଶିକ୍ଷକ ଓ ଛାତ୍ରଛାତ୍ରୀ । ସହରରେ ଖୋଲା ଯାଇଛି ରାଜ୍ୟର ପ୍ରଥମ ଗ୍ରାସ ଆର୍ଟ ପାର୍କ । ଯାହାକୁ ଦେଖିଲେ ପର୍ଯ୍ୟଟକ ଘଡିଏ ଅଟକି ରହିବେ । ପାର୍କରେ ହାତୀ, ବାଘ, ଭାଲୁ, ଠେକୁଆ ଭଳି ନାନା ଜୀବଜନ୍ତୁଙ୍କ ପ୍ରତିକୃତି ରହିଛି । ଏ-ସବୁ ସବୁଜ ଘାସରେ ପ୍ରସ୍ତୁତ ଭଳି ଦେଖାଯାଉଥିଲେ ବି ବାସ୍ତବରେ କୃତ୍ରିମ ଘାସର ଗାଲିଚାରେ ବ୍ୟବହାର କରି କରାଯାଇଛି । ରଦି ଲୁହା ଉପରେ ରବର ଓ କୃତ୍ରିମ ଘାସର ଗାଲିଚାକୁ ଆଚ୍ଛାଦିତ କରି ଏସବୁ ସୁନ୍ଦର ସୁନ୍ଦର ପ୍ରତିକୃତି କରିଛନ୍ତି ବ୍ରହ୍ମପୁର ସହରର ସରକାରୀ ଆଇଟିଆଇର ଶିକ୍ଷକ ଓ ବିଦ୍ୟାର୍ଥୀ ।
ରେଶମ ସହରର ଶୋଭା ବଢାଉଛି ଗ୍ରାସ ଆର୍ଟ ପାର୍କ