ବ୍ରହ୍ମପୁର: ରେଶମ ସହର ବ୍ରହ୍ମପୁରକୁ ସବୁଜ ସୁନ୍ଦର ସହର ଭାବରେ ଗଢ଼ି ତୋଳିବା ପାଇଁ ପ୍ରଶାସନ ପକ୍ଷରୁ ଜାରି ରହିଛି ଉଦ୍ୟମ । ଏ ନେଇ ସହରକୁ ପୂର୍ଣ୍ଣ ବାହ୍ୟ ମଳତ୍ୟାଗ ସହର ଭାବରେ ପରିଣତ କରିବାକୁ ଚାଲିଛି ପଦକ୍ଷେପ । ହେଲେ ସହରର ବିଭିନ୍ନ ସ୍ଥାନରେ ମହାନଗର ନିଗମ ପକ୍ଷରୁ ସାଧାରଣ ଜନତାଙ୍କ ବ୍ୟବହାର ପାଇଁ ନିର୍ମାଣ ହୋଇଥିଲା ପରିସ୍ରାଗାର । କିନ୍ତୁ ନିର୍ମାଣ ହୋଇଥିବା ପରିସ୍ରାଗାର ଗୁଡିକରେ ତାଲା ଝୁଲିଥିବା ନେଇ ଅଭିଯୋଗ କରିଛନ୍ତି ବ୍ରହ୍ମପୁର ବାସିନ୍ଦା ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ସୂଚନାମୁତାବକ, ବ୍ରହ୍ମପୁର ସହରକୁ ସବୁଜ ସୁନ୍ଦର ସହର ଭାବରେ ପରିଣତ କରିବା ପାଇଁ ଗତ କିଛି ମାସ ଧରି ପ୍ରଶାସନ ପକ୍ଷରୁ ଜାରି ରହିଛି ପ୍ରୟାସ
। ଏହି କ୍ରମରେ ସହରର ବିଭିନ୍ନ ବସ୍ତି ଠାରୁ ଆରମ୍ଭ କରି ପ୍ରମୁଖ ସ୍ଥାନରେ ଶୌଚାଳୟ ନିର୍ମାଣ କରାଯିବା ସହ ଏହାର ବ୍ୟବହାର କରିବା ଉପରେ ଗୁରୁତ୍ୱ ଦିଆଯାଇଥିଲା ।