ଫନି ତାଣ୍ଡବ ପରେ ବି ଅକ୍ଷୟ ତୃତୀୟାରେ ଜମିଲା ସୁନା କିଣା

ଅକ୍ଷୟ ତୃତୀୟା ଅବସରରେ ବ୍ରହ୍ମପୁରର ସୁନା ଦୋକାନରେ ଆଜି ଦିନ ତମାମ ଲାଗିରହିଥିଲା ଗ୍ରାହକଙ୍କ ଭିଡ ।

ବ୍ରହ୍ମପୁର: ଆଜି ପବିତ୍ର ଅକ୍ଷୟ ତୃତୀୟା । ନୂତନ କାର୍ଯ୍ୟ ଆରମ୍ଭ କରିବା ପାଇଁ ବୈଶାଖ ଶୁକ୍ଳ ତୃତୀୟା ଅର୍ଥାତ ଆଜିର ଦିନଟି ଗୁରୁତ୍ଵପର୍ଣ୍ଣ । ଏହି ଦିନରେ କୌଣସି କାର୍ଯ୍ୟ ଆରମ୍ଭ କଲେ ତାହା ଅକ୍ଷୁର୍ଣ୍ଣ ରହିଥାଏ ବୋଲି ବିଶ୍ବାସ ରହିଛି ।

ତେବେ ଧନତେରସ ପରେ ଅକ୍ଷୟ ତୃତୀୟାରେ ସୁନା କିଣିଲେ ଭଲ ବୋଲି ଲୋକଙ୍କ ମଧ୍ୟରେ ବିଶ୍ବାସ ରହିଛି । ଏହି କ୍ରମରେ ବ୍ରହ୍ମପୁରର ସୁନା ଦୋକାନରେ ଆଜି ଦିନ ତମାମ ଲାଗିରହିଥିଲା ଗ୍ରାହକଙ୍କ ଭିଡ ।

ଏହି ପବିତ୍ର ଦିନରେ ଗ୍ରାହକ ମାନେ ସୁନା ଏବଂ ମୂଲ୍ୟବାନ ଧାତୁ କିଣିଥାନ୍ତି । ଖାସ କରି ସୁନା ଓ ମୁଲ୍ୟବାନ ଧାତୁ କିଣିଲେ ଘରକୁ ଲକ୍ଷ୍ମୀଙ୍କ ଆଗମନ ହୋଇଥାଏ ବୋଲି ବିଶ୍ବାସ ରହିଛି ।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ