ବ୍ରହ୍ମପୁର: ମୋବାଇଲ ଲୁଟେରାଙ୍କୁ କାବୁ କଲା ପୋଲିସ । ଗଞ୍ଜାମ ଜିଲ୍ଲାର ପାଟପୁର ଥାନା ସମେତ ବିଭିନ୍ନ ଅଞ୍ଚଳରେ ଉତ୍ପାତ କରୁଥିଲେ ଲୁଟେରା ଦଳ । ଅନ୍ଧାର ରାତିର ସୁଯୋଗ ନେଇ ଦୋକାନ ତାଲା ଭାଙ୍ଗି ମୋବାଇଲ ଫୋନ ଚୋରାଇ ଆସୁଥିଲେ । ଏହି ଗ୍ୟାଙ୍ଗକୁ କବଜା କରିବାରେ ସଫଳ ହୋଇଛି ପାଟପୁର ଥାନା ପୋଲିସ ।
ପୋଲିସ ପଞ୍ଝାରେ ମୋବାଇଲ ଲୁଟେରା ଗ୍ୟାଙ୍ଗ
ଦୀର୍ଘ ଦିନ ଧରି ଏହି ଲୁଟେରା ଗ୍ୟାଙ୍ଗ ବିଭିନ୍ନ ଦୋକାନ ତାଲା ଭାଙ୍ଗି ଚୋରି କରିବାରେ ଲାଗିଥିଲେ । ଗତ ୩୦ ଜାନୁଆରୀ ବିଳମ୍ବିତ ରାତିରେ ପାଟପୁର ଥାନା ଡେଙ୍ଗାଓସ୍ତାରେ ରହିଥିବା ସନ୍ତୋଷୀ ମୋବାଇଲ ଦୋକାନ ତାଲା ଭାଙ୍ଗି ମୋବାଇଲ ଲୁଟି ନେଇଥିଲେ ଲୁଟେରା । ୪୦ ଗୋଟି ବିଭିନ୍ନ ବ୍ରାଣ୍ଡର ମୋବାଇଲ ଚୋରାଇ ନେଇଥିବା ଦୋକାନ ମାଲିକ ସନ୍ତୋଷ କୁମାର ବିଷୋୟୀ ପାଟପୁର ଥାନାରେ ଏତଲା ଦେଇଥିଲେ । ଅଭିଯୋଗ ପରେ ପୋଲିସ ତାଙ୍କୁ ଧରିବା ପାଇଁ ମାମଲା ନଂ ୨୧/୨୧ ରୁଜ୍ଜୁ କରି ତଦନ୍ତ ଆରମ୍ଭ କରିଥିଲା ।