ବ୍ରହ୍ମପୁର: ଗଞ୍ଜାମରେ ପୁଣି 32 ପଜିଟିଭ୍ ଚିହ୍ନଟ । ଜନଗହଳିକୁ ଦୃଷ୍ଟିରେ ରଖି ବିଭିନ୍ନ ପର୍ଯ୍ୟଟନସ୍ଥଳୀରେ ରହିବ ସାପ୍ତାହିକ ଛୁଟି । ଏନେଇ ଜିଲ୍ଲା ପ୍ରଶାସନ ପକ୍ଷରୁ କଟକଣା ଜାରି କରାଯାଇଛି ।
ଜନଗହଳିକୁ ଦୃଷ୍ଟିରେ ରଖି କୋଭିଡ ସ୍ଥିତିକୁ ପରିଚାଳନା କରିବା ପାଇଁ ବିଭିନ୍ନ ପର୍ଯ୍ୟଟନସ୍ଥଳୀ ଉପରେ ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ଏଣିକି ପ୍ରତ୍ୟେକ ସପ୍ତାହରେ ଗୋଟିଏରୁ ଦୁଇ ଦିନ ବନ୍ଦ ରଖାଯିବାକୁ ସ୍ଥିର କରାଯାଇଛି । ଜିଲ୍ଲାର ଗୋପାଳପୁର , ସୋନପୁର ବେଳାଭୂମିକୁ ପ୍ରତେକ ଶନିବାର ଓ ରବିବାର ବହୁ ଜନଗହଳି ହେଉଥିବାରୁ ସପ୍ତାହର ସେହି ଦୁଇ ଦିନ ବନ୍ଦ ରଖିବାକୁ ପରାମର୍ଶ ଦିଆଯାଇଛି । ସେହିପରି ବ୍ରହ୍ମପୁର ସହରର ରାମଲିଙ୍ଗେଶ୍ବର ପାର୍କ ଓ ତାମ୍ପରା ସୋମବାର ବନ୍ଦ ରହିବାକୁ ଥିବାବେଳେ ଗଞ୍ଜାମର ପ୍ରସିଦ୍ଧ ମାଆ ତାରାତାରିଣୀ ମନ୍ଦିର ବୁଧବାର ବନ୍ଦ ରଖାଯିବାକୁ ସ୍ଥିର ହୋଇଥିବା ବେଳେ ଏହାକୁ ସମସ୍ତେ ସହଯୋଗ କରିବାକୁ ଆହ୍ବାନ କରାଯାଇଛି ।