ବ୍ରହ୍ମପୁର: ବିଦ୍ୟାଳୟକୁ ଅଚାନକ ପରିଦର୍ଶନ କରି ବିଦ୍ୟାର୍ଥୀଙ୍କୁ ପାଠ ପଢ଼ାଇଛନ୍ତି ଗଞ୍ଜାମ ଜିଲ୍ଲାପାଳ । ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଗଞ୍ଜାମ ବ୍ଲକ ଅନ୍ତର୍ଗତ ସୁବଳୟା ପଞ୍ଚାୟତ ଶତ୍ରୁସୋଲ ଗ୍ରାମକୁ ସରକାରୀ କାର୍ଯ୍ୟରେ ଆସିଥିଲେ । ଫେରିବା ସମୟରେ ସେଠାର କିଛି ସମୟ ପାଇଁ ଉପସ୍ଥିତ ରହି କିପରି ଚାଲିଛି ଶିକ୍ଷାଦାନ ଅନୁଧ୍ୟାନ କରିଥିଲେ।
ପରିଦର୍ଶନରେ ଯାଇ ପିଲାଙ୍କୁ ପାଠ ପଢାଇଲେ ଜିଲ୍ଲାପାଳ
ବିଦ୍ୟାଳୟକୁ ଯାଇ ପିଲା କେମିତି ପାଠ ପଢୁଛନ୍ତି ଜିଲ୍ଲାପାଳ ଦେଖିବା ସହ ସେମାନଙ୍କୁ କିଛି ସମୟ ପଢାଇଥିବା ଦେଖିବାକୁ ମିଳିଛି। ବିଦ୍ୟାର୍ଥୀଙ୍କ ସୁନ୍ଦର ହସ୍ତାକ୍ଷର, ଇଂରାଜୀ କୁ କିଭଳି ସ୍ପଷ୍ଟ ଭାବରେ ଉଚ୍ଚାରଣ କରାଯିବ, ଶୁଦ୍ଧ ବନାନ କିପରି ଲେଖାଯାଉଛି ତାହାକୁ ଜିଲ୍ଲାପାଳ ପଚାରିଥିଲେ।