ବ୍ରହ୍ମପୁର:କୋରିଅରରେ ରାୟଗଡାରୁ ରାଜଧାନୀ ଭୁବନେଶ୍ବରର ମାଷ୍ଟରକ୍ୟାଣ୍ଟିନକୁ ହେଉଥିଲା ଗଞ୍ଜେଇ ଚାଲାଣ । ଖବର ପାଇ ଏହାକୁ ଧରିବାରେ ସକ୍ଷମ ହୋଇଛି ଗଞ୍ଜାମ ବ୍ରହ୍ମପୁରର ଅବକାରୀ ଗୁଇନ୍ଦା ବିଭାଗ । ଏହି ଘଟଣାରେ ଘରୋଇ ପ୍ରୋଫେସେନାଲ୍ କୋରିଅର ସଂସ୍ଥାରେ ବ୍ରହ୍ମପୁର ସହରରେ କାର୍ଯ୍ୟ କରୁଥିବା ଏଜେଣ୍ଟ ଦେବାଶିଷ ପଣ୍ଡାଙ୍କୁ ଗିରଫ କରି ଘଟଣାର ଅନୁସନ୍ଧାନ କରୁଛି ଅବକାରୀ ବିଭାଗ ।
କୋରିଅରରେ ରାୟଗଡାରୁ ରାଜଧାନୀକୁ ଗଞ୍ଜେଇ ଚାଲାଣ, କାବୁ କଲା ଅବକାରୀ ବିଭାଗ
ରାଜ୍ୟରେ ଗଞ୍ଜେଇ ଚୋରା ଚାଲାଣ ରୋକିବା ପାଇଁ ପୋଲିସ, ଅବକାରୀ ଓ ପ୍ରଶାସନ ପକ୍ଷରୁ ମିଳିତ ଭାବରେ ଲଗାତର ଭାବରେ ଚଢାଉ କରୁଥିବା ବେଳେ ଅପରାଧୀମାନେ ଭିନ୍ନ ଭିନ୍ନ କୌଶଳରେ ଗଞ୍ଜେଇ ଚୋରା ଚାଲାଣ କରି ଆସୁଥିବାର ନଜର ରହିଛି । ଆଉ ଏହି କ୍ରମରେ ସହରରେ ପ୍ରଥମଥର ପାଇଁ କୋରିଅର ମାଧ୍ୟମରେ ଗଞ୍ଜେଇ ଚୋରା ଚାଲାଣ ବେଳେ ଏହାକୁ ଧରିବାରେ ସଫଳତା ମିଳିଛି । ଗତକାଲି ରାୟଗଡା ଅଞ୍ଚଳରୁ ପ୍ରୋଫେସେନାଲ କୋରିଅର ସଂସ୍ଥାରେ ୩୦ କିଲୋ ଗଞ୍ଜେଇ ଭର୍ତ୍ତି ଏକ କାଟୁନ ବସ ଯୋଗେ ରାଜଧାନୀ ଭୁବନେଶ୍ବରର ମାଷ୍ଟରକ୍ୟାଣ୍ଟିନକୁ ଚାଲାଣ ହେଉଥିଲା ।