ବ୍ରହ୍ମପୁର: ଗଞ୍ଜାମ ଜିଲ୍ଲାର ଜଣେ ଅବସରପ୍ରାପ୍ତ ରାଜସ୍ବ ନିରୀକ୍ଷକଙ୍କ ବିୟୋଗ ପରେ ତାଙ୍କ ମୃତଦେହକୁ ଏମ୍ କେ ସି ଜି ମେଡିକାଲକୁ ଦାନ କଲେ ପରିବାର ବର୍ଗ । ବେଲଗୁଣ୍ଠା ଗୋପିନାଥ ସାହି ଅଞ୍ଚଳରେ ରହୁଥିବା ଅବସରପ୍ରାପ୍ତ ରାଜସ୍ବ ବିଭାଗର ଅଧିକାରୀ ସୁବାସ ଚନ୍ଦ୍ର ମହାନ୍ତିଙ୍କ ଦେହାନ୍ତ ପରେ ତାଙ୍କ ମୃତଦେହକୁ ପରିବାର ଲୋକେ ଦାନ କରିଛନ୍ତି ।
ପୂର୍ବତନ ଆରଆଇଙ୍କ ମୃତଶରୀରକୁ ଏମ୍କେସିଜି ମେଡିକାଲକୁ ଦାନ କଲେ ପରିବାର ଲୋକେ
ବେଲଗୁଣ୍ଠା ସି.ଏଚ୍.ସି ମେଡିକାଲରେ ତାଙ୍କର ଦେହାନ୍ତ ପରେ ପରିବାର ବର୍ଗ ତାଙ୍କ ମରଶରୀରକୁ ଏମ୍ କେ ସି ଜିକୁ ଆଣିବା ସହ ମେଡିକାଲର ବିଦ୍ୟାର୍ଥୀମାନଙ୍କ ଅଧ୍ୟୟନ ପାଇଁ ଦାନ କରିଛନ୍ତି । ତାଙ୍କ ପୁଅ ଦେବଦତ୍ତ ମହାନ୍ତିଙ୍କ ଉପସ୍ଥିତିରେ ପରିବାରର ସଦସ୍ୟ ଓ ବନ୍ଧୁ ପରିଜନ ମେଡିକାଲ କଲେଜର ଅନୋଟୋମୀ ବିଭାଗକୁ ମୃତଶରୀର ହସ୍ତାନ୍ତର କରିଛନ୍ତି ।