ବ୍ରହ୍ମପୁର: ଓଡି଼ଶା ଓ ଆନ୍ଧ୍ର ସୀମାନ୍ତ ଗଞ୍ଜାମ ପାତ୍ରପୁର ଅଞ୍ଚଳରେ ଅବକାରୀ ବିଭାଗ, ପୋଲିସ ଓ ମାଜିଷ୍ଟ୍ରେଟ ମିଳିତ ଚଢାଉ କରିଛନ୍ତି । ଚଢାଉ ସମୟରେ ବିପୁଳ ପରିମାଣର ଦେଶୀ ମଦ ସମେତ ଅପମିଶ୍ରିତ ଗୁଡ ଓ ପୋଚକୁ ଜବତ କରି ନଷ୍ଟ କରାଯାଇଛି ।
ଓଡିଶା-ଆନ୍ଧ୍ର ସୀମାନ୍ତରେ ଅବକାରୀ ଚଢାଉ, ଦେଶୀ ମଦ ଜବତ
ଜିଲ୍ଲା ଜରଡା ଥାନା ଅନ୍ତର୍ଗତ ପାତ୍ରପୁର ତହସିଲଦାର ଅମିତ କୁମାର ନାୟକଙ୍କ ନେତୃତ୍ବରେ ଅବକାରୀ ବିଭାଗ, ଜରଡା ପୋଲିସ ସମେତ ଆନ୍ଧ୍ର ପୋଲିସ ଏବଂ ଏପିଆର ମିଳିତ ଭାବେ ଗଙ୍ଗାପୁର, ରାମଚନ୍ଦ୍ରପୁର ଏବଂ ଶାସନ ଗାଁରେ ଚଢାଉ କରିଥିଲେ । ଫଳସୂରୁପ ରାମଚନ୍ଦ୍ରପୁରରୁ 7 ହଜାର 200 ଲିଟର ମଦ ପ୍ରସ୍ତୁତ ପାଇଁ ରହିଥିବା ଅପମିଶ୍ରିତ ଗୁଡ ପୋଚ, ଗାଙ୍ଗପୁର ଅଞ୍ଚଳରୁ 2 ହଜାର 200 ଲିଟର ଗୁଡ ପୋଚ ସହ 800 ଲିଟର ଦେଶୀ ରନ୍ଧାମଦ ଏବଂ ଶାନସଗାଁରୁ 3, 800 ଲିଟର ଅପମିଶ୍ରିତ ଗୁଡ ପୋଚ ଜବତ କରାଯାଇଥିବା ଅବକାରୀ ବିଭାଗର ଆଇଆଇସି ବାଳକୃଷ୍ଣ ପାତ୍ର ସୂଚନା ଦେଇଛନ୍ତି ।