ବ୍ରହ୍ମପୁର: ଗଞ୍ଜାମ ଜିଲ୍ଲା ବ୍ୟାପୀ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ବହୁ ପରିମାଣର ଦେଶୀ ମଦ ଜବତ କରାଯାଇଛି । ଏହାସହ ବିଭିନ୍ନ ମାମଲାରେ ୧୩ ଜଣ ଚୋରା ମଦ ବ୍ୟବସାୟୀଙ୍କୁ ଗିରଫ କରି କୋର୍ଟଚାଲାଣ କରାଯାଇଛି । ଗଞ୍ଜାମ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଜିଲ୍ଲା ଅବକାରୀ ବିଭାଗ ପକ୍ଷରୁ ଉପ-ଅଧିକ୍ଷକ ଅଭିରାମ ବେହେରାଙ୍କ ନେତୃତ୍ବରେ ଆସିକା ଅଞ୍ଚଳର ବାଲିସିରା, ସାହାପୁର, କରାତଳି, କାଳଷଣ୍ଢପୁର ଏବଂ ଖଲ୍ଲିକୋଟ ଥାନା ଅଞ୍ଚଳର ସାନଘାଟିରେ ଚଢାଉ କରାଯାଇଥିଲା ।
ଗଞ୍ଜାମରେ ଅବକାରୀ ବିଭାଗର ଚଢାଉ, ବହୁ ପରିମାଣର ଦେଶୀ ମଦ ଜବତ - excise department raided local liquor in Ganjam
ଗଞ୍ଜାମ ଜିଲ୍ଲା ବ୍ୟାପୀ ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ବହୁ ପରିମାଣର ଦେଶୀ ମଦ ଜବତ କରାଯାଇଛି । ଏହାସହ ବିଭିନ୍ନ ମାମଲାରେ ୧୩ ଜଣ ଚୋରା ମଦ ବ୍ୟବସାୟୀଙ୍କୁ ଗିରଫ କରି କୋର୍ଟଚାଲାଣ କରାଯାଇଛି । ପଢନ୍ତୁ ସମ୍ପୂର୍ଣ୍ଣ ଖବର...
![ଗଞ୍ଜାମରେ ଅବକାରୀ ବିଭାଗର ଚଢାଉ, ବହୁ ପରିମାଣର ଦେଶୀ ମଦ ଜବତ ଗଞ୍ଜାମରେ ଅବକାରୀ ବିଭାଗର ଚଢାଉ](https://etvbharatimages.akamaized.net/etvbharat/prod-images/768-512-7188353-404-7188353-1589394634988.jpg)
ଗଞ୍ଜାମରେ ଅବକାରୀ ବିଭାଗର ଚଢାଉ
ଏଠାରୁ ୮୭୫ ଲିଟର ବେଆଇନ ମଦ, ୪୮୦୦ ଲିଟର ପୋଚ ସମେତ ଗୋଟିଏ ମୋଟର ସାଇକେଲ ଏବଂ ମଦ ତିଆରି ସରଞ୍ଜାମ ଜବତ କରାଯାଇଛି । ଗତ କିଛି ଦିନ ଧରି ଦେଶରେ ଲକଡାଉନ୍ ଯୋଗୁଁ ସରକାରୀ ମଦ ଦୋକାନ ବନ୍ଦ ରହିଥିବା ବେଳେ ଏହି ସମୟରେ ଚୋରା ମଦ ବ୍ୟାପାରୀମାନେ ସେମାନଙ୍କ କାରବାର ଜାରି ରଖିଛନ୍ତି । ତେବେ ଉଭୟ ପୋଲିସ ଓ ଅବକାରୀ ବିଭାଗ ପକ୍ଷରୁ ଜିଲ୍ଲାରେ ଜାରି ରହିଛି ଏଭଳି ଚଢାଉ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ