ବ୍ରହ୍ମପୁର: ଗଞ୍ଜାମ ଜିଲ୍ଲାରେ କୋରୋନା ସ୍ଥିତି ଦିନକୁ ଦିନ ସଙ୍ଗୀନ ହେବାରେ ଲାଗିଛି । ଏଭଳି ସମୟରେ ଜିଲ୍ଲାରେ ରହିଥିବା କୋଭିଡ୍ କେୟାର-୧୯ ସେଲ ପାଇଁ ଜିଲ୍ଲା ପ୍ରଶାସନ ପକ୍ଷରୁ ଜାରି କରାଯାଇଛି ୨୪ ଘଣ୍ଟିଆ ହେଲ୍ପଲାଇନ୍ ନମ୍ବର ।
ଜିଲ୍ଲାର ଶୀତଳାପଲ୍ଲୀ ସ୍ଥିତ ଟାଟା କୋଭିଡ୍ ହସ୍ପିଟାଲ, ପାରଳା ମହାରାଜା କୋଭିଡ୍ କେୟାର ସେଣ୍ଟର ସମେତ ଭଞ୍ଜନଗର ଓ ହିଞ୍ଜିଳିକାଟୁର କୋଭିଡ୍ କେୟାର ସେଣ୍ଟରରେ କୋରୋନା ଆକ୍ରାନ୍ତଙ୍କ ଚିକିତ୍ସା କରାଯାଉଛି । ତେବେ ଏଠାରେ କୌଣସି ବ୍ୟକ୍ତିବିଶେଷଙ୍କର କୌଣସି ସମସ୍ୟା ହେଲେ କିମ୍ବା କୌଣସି ବିଷୟରେ ପ୍ରଶାସନକୁ ଅବଗତ କରିବାକୁ ଚାହୁଁଥିଲେ ଏହି ହେଲ୍ପ ଲାଇନ ନମ୍ବରରେ ଯୋଗାଯୋଗ କରିବାକୁ ଜିଲ୍ଲାପାଳ ଟ୍ବିଟ୍ ମାଧ୍ୟମରେ ଜନସାଧାରଣଙ୍କୁ ଅବଗତ କରାଇଛନ୍ତି ।
ଏଥିସହ କୌଣସି ଲକ୍ଷଣ, ହୋମ୍ କ୍ବାରେଣ୍ଟାଇନ୍ ସମସ୍ୟା ସମ୍ପର୍କରେ ହେଲ୍ପ ଲାଇନ ନମ୍ବରକୁ ଅବଗତ କରାଯାଇ ପ୍ରଶାସନକୁ ସିଧାସଳଖ ଅବଗତ କରିପାରିବେ । ୨୪ ଘଣ୍ଟିଆ ହେଲ୍ପଲାଇନ୍ ମୋବାଇଲ ନମ୍ବର ୮୧୧୮୦୬୬୩୭୦ ରହିଛି ।