ବ୍ରହ୍ମପୁର:ବିଚାରଧୀନ ଅନ୍ତେବାସୀଙ୍କ ମୃତ୍ୟୁ ଘଟଣା । ଏନେଇ ଅନ୍ତେବାସୀଙ୍କ ପରିବାକୁ ଭେଟିଛି କଂଗ୍ରେସ । ଘଟଣାରେ ନ୍ୟାୟ ପାଇବା ପାଇଁ କଂଗ୍ରେସ ଟିମ ସହ ଯାଇ ମୃତକଙ୍କ ପରିବାର ଗୋଳନ୍ଥରା ଥାନାରେ ଏତଲା ଦେଇଛନ୍ତି । ଏବଂ ଘଟଣାର ନିରପେକ୍ଷ ତଦନ୍ତ ଦାବି କରିଛି କଂଗ୍ରେସ ।
ବିଚାରାଧୀନ ଅନ୍ତେବାସୀଙ୍କ ମୃତ୍ୟୁ ଘଟଣା:ନିରପେକ୍ଷ ତଦନ୍ତ ଦାବି କଲା କଂଗ୍ରେସ
ସୂଚନା ଅନୁସାରେ, ବ୍ରହ୍ମପୁର ମଣ୍ଡଳ କାରାଗାରର ବିଚାରଧୀନ ଅନ୍ତେବାସୀ ମିଟୁ ବେହେରାଙ୍କୁ ଗତ ଏକ ତାରିଖ ଦିନ ଚୋରା ମଦ କାରବାର ଅଭିଯୋଗରେ ଗିରଫ ପରେ ମଣ୍ଡଳ କାରାଗାରକୁ ପଠାଇ ଦେଇଥିଲେ କୋର୍ଟ । ହେଲେ ମଣ୍ଡଳ କାରାଗାରରେ ଅସୁସ୍ଥ ହୋଇ ଥିବାରୁ ମିଟୁକୁ ଶୁକ୍ରବାର ଚିକିତ୍ସା ପାଇଁ ବ୍ରହ୍ମପୁର ଏମକେସିଜିରେ ଭର୍ତ୍ତି କରାଯାଇଥିବା ବେଳେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା କୁହାଯାଇଛି ।