ବ୍ରହ୍ମପୁର: ରାଜ୍ୟର ପ୍ରମୁଖ ପର୍ଯ୍ୟଟନସ୍ଥଳୀର ମାନ୍ୟତା ପାଇଥିବା ଗଞ୍ଜାମ ଜିଲ୍ଲାର ଗୋପାଳପୁର ଠାରେ ଉଦଘାଟିତ ହେଲା ବିଜୁ ପଟ୍ଟନାୟକ ଆଡ଼ଭେଞ୍ଚର ପାର୍କ । ବେଳାଭୂମି ସହର ଗୋପାଳପୁରକୁ ଆସିବା ପାଇଁ ଏବେ ଅନ୍ୟତମ ପ୍ରମୁଖ ଆକର୍ଷଣ ସାଜିବ ଏହି ପାର୍କ । ବିଶେଷକରି ରୋମାଞ୍ଚ ପ୍ରେମୀ ବ୍ୟକ୍ତିଙ୍କ ପାଇଁ ଯୋଗାଇବ ଦୁଃସାହାସିକ ଖେଳ ମନୋରଞ୍ଜନ ଭରପୂର ସୁଯୋଗ ।
ଗୋପାଳପୁର ବେଳାଭୂମିରେ ଆଡଭେଞ୍ଚର ପାର୍କ, ପର୍ଯ୍ୟଟକଙ୍କୁ କରିବ ଆକୃଷ୍ଟ
2.5 କୋଟି ଟଙ୍କା ବିନିଯୋଗରେ ନିର୍ମାଣ ହୋଇଥିବା ଏହି ପାର୍କକୁ ଭିଡିଓ କନଫେରେନ୍ସ ମାଧ୍ୟମରେ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଅବସରରେ ପାର୍କ ପରିସରରେ ଆୟୋଜିତ କାର୍ଯ୍ୟକ୍ରମରେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ ଯୋଗଦେଇ ରାଜ୍ୟ ସରକାରଙ୍କ ଅନୁଦାନରେ ନିର୍ମାଣ ହୋଇଥିବା ଏଭଳି ପାର୍କ ନିଶ୍ଚିତ ରୂପେ ପର୍ଯ୍ୟଟକଙ୍କୁ ଅଧିକ ଆକୃଷ୍ଟ କରିବା ସହ ଗୋପାଳପୁରରେ ସମୁଦ୍ର ସହିତ ଏହାର ଅନେକ ମଜ୍ଜା ଉଠାଇପାରିବେ ବୋଲି କହିଛନ୍ତି ।