ବ୍ରହ୍ମପୁର: ଚିକିଟି ନିର୍ବାଚନ ମଣ୍ଡଳୀରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର ମଇଦାନକୁ ଓହ୍ଲାଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସୋମବାର ହେଲିକ୍ୟାପ୍ଟର ଯୋଗେ ଚିକିଟି ଷ୍ଟାଡିୟମରେ ପହଞ୍ଚିବା ପରେ ସେଠାରୁ ନିର୍ବାଚନ ମଣ୍ଡଳୀ ପରିକ୍ରମା ପାଇଁ ଆୟୋଜିତ ହୋଇଥିଲା ଏକ ବିରାଟ ରୋଡ ଶୋ ।
ଏହି କାର୍ଯ୍ୟକ୍ରମରେ ଦଳୀୟ କର୍ମୀ ଓ ନେତାଙ୍କୁ ବିଭିନ୍ନ ପଟୁଆରରେ ସମଗ୍ର ସହର ପରିକ୍ରମା କରାଯାଇଥିବାବେଳେ ଏହାକୁ ନେଇ ବେଶ୍ ଉତ୍ସାହିତ ରହିଥିଲେ ଜନସାଧାରଣ । ଯାହାର ପ୍ରଭାବ ଆଗାମୀ ନିର୍ବାଚନରେ ନିଶ୍ଚିତ ଭାବରେ ପଡିବ ବୋଲି ପ୍ରକାଶ କରିଥିଲେ ପ୍ରତିଦ୍ବନ୍ଦ୍ବିତା କରୁଥିବା ସାଂସଦ ପ୍ରାର୍ଥୀ ଭୃଗୁ ବକ୍ସିପାତ୍ର ଓ ବିଧାୟକ ପ୍ରାର୍ଥୀ ମନୋରଞ୍ଜନ ଦ୍ୟାନ ସାମନ୍ତରାୟ ।
ବ୍ରହ୍ମପୁରରୁ ସମୀର କୁମାର ଆଚାର୍ଯ୍ୟ, ଇଟିଭି ଭାରତ