ବ୍ରହ୍ମପୁର:ପୋଲିସକୁ ଚକମା ଦେଇ ଖସିଗଲା ମୋଷ୍ଟ ୱାଣ୍ଟେଡ ଅପରାଧି କୁନା । ଦୀର୍ଘ ଦିନ ଧରି କୁଖ୍ୟାତ ଅପରାଧୀ କୁନା ବେହେରା ଓ ତାଙ୍କ ସହଯୋଗୀଙ୍କୁ ଧରିବା ପାଇଁ ବ୍ରହ୍ମପୁର ପୋଲିସ ଅପରେସନ ଚଳାଇଥିଲା । ଗତକାଲି ଏକ ଘଞ୍ଚ ଜଙ୍ଗଲରେ ଚଢାଉ ସମୟରେ ପୁଣି କୁନା ଖସି ପଳାଇଥିବା ଜଣାପଡିଛି ।
ପୋଲିସକୁ ଚକମା ଦେଇ ଖସିଗଲା କୁଖ୍ୟାତ ଅପରାଧୀ କୁନା ,ବହୁ ମାରଣାସ୍ତ୍ର ଜବତ
ସୂଚନାନୁଯାୟୀ ବ୍ରହ୍ମପୁର ପୋଲିସ ମୋଷ୍ଟ ୱାଣ୍ଟେଡ କୁନା ଏବଂ ତାଙ୍କ ସହଯୋଗୀ ମାନେ କେରାଣ୍ଡିମାଳ ସଂରକ୍ଷିତ ଜଙ୍ଗଲର ପାହାଡ଼ରେ ଲୁଚିଥିବା ନେଇ ପୋଲିସକୁ ଖବର ମିଳିଥିଲା । ଏନେଇ ବ୍ରହ୍ମପୁର ପୋଲିସର ସ୍ଵତନ୍ତ୍ର ଟାସ୍କ ଫୋର୍ସ ରାତିରେ ଦିଗପହଣ୍ଡି ଥାନାରେ ପହଞ୍ଚି ସଂରକ୍ଷିତ ଜଙ୍ଗଲର ପାହାଡ଼ରେ ଚଢାଉ କରିଥିଲେ । ଏହି ସମୟରେ ଅପରାଧି କୁନା ଏବଂ ତାଙ୍କ ସହଯୋଗୀ ମାନେ ପୋଲିସ ଉପରକୁ ଅତର୍କିତ ଗୁଳି ଚଳାଇବା ସହିତ ବାରମ୍ବାର ବୋମାମାଡ଼ କରି ଖସି ଯାଇଥିଲେ ।