ବ୍ରହ୍ମପୁର:ଟୀକାକରଣ କେନ୍ଦ୍ରରେ ରାଜନୀତିର ଅଭିଯୋଗ ଆଣି ବ୍ରହ୍ମପୁରରେ ଗଞ୍ଜାମ ବିଜେପି ପକ୍ଷରୁ ବିରୋଧ କରାଯାଇଛି । ଭାରତୀୟ ଜନତା ଯୁବ ମୋର୍ଚ୍ଚା ଜିଲ୍ଲା ପକ୍ଷରୁ ବ୍ରହ୍ମପୁରର ବିଭିନ୍ନ ଟୀକାକରଣ କେନ୍ଦ୍ର ପରିଦର୍ଶନ କରାଯାଇଥିଲା । ଜିଲ୍ଲା ସଭାପତି ଶ୍ରୀ ବିଭୂତି ଭୂଷଣ ଜେନାଙ୍କ ନିର୍ଦ୍ଦେଶ କ୍ରମେ ଏକ ଟିମ ଯାଇ ଟୀକାକରଣ କେନ୍ଦ୍ର ପରିଦର୍ଶନ କରିବା ସମୟରେ ସମଗ୍ର ଭାରତବର୍ଷରେ ନିଃଶୁଳ୍କ ଟୀକାକରଣ ନେତୃତ୍ବ ନେଉଥିବା ପ୍ରଧାନମନ୍ତ୍ରୀଙ୍କ ଫଟୋ ନଥିବା ବେଳେ କେବଳ ମୁଖ୍ୟମନ୍ତ୍ରୀଙ୍କ ଫଟୋ ସହ ଏକ କାର୍ଡ ମଧ୍ୟ ଟିକା ନେଉଥିବା ଲୋକଙ୍କୁ ଦିଆଯାଉଛି । ଏହି କାର୍ଯ୍ୟକଳାପକୁ ବିଜେପି ଯୁବ ମୋର୍ଚ୍ଚା ଓ ମହିଳା ମୋର୍ଚ୍ଚା ତରଫରୁ ବିରୋଧ କରାଯିବା ସହ ମୁଖ୍ୟମନ୍ତ୍ରୀଙ୍କ ସମସ୍ତ ବ୍ୟାନରକୁ ଚିରା ଯିବା ସହ ଦିଆଯାଉଥିବା ରାଜ୍ୟ ସରକାରଙ୍କ କାର୍ଡକୁ ମଧ୍ୟ ଚିରା ଯାଇଥିଲା ।
ଟୀକାକରଣ କେନ୍ଦ୍ରରେ ରାଜନୀତି ଅଭିଯୋଗ;ବିଜେପି ପକ୍ଷରୁ ବିରୋଧ