ବ୍ରହ୍ମପୁର: ବିପର୍ଯ୍ୟୟ ମୁକାବିଲା ପାଇଁ ସମ୍ପୂର୍ଣ୍ଣ ପ୍ରସ୍ତୁତ ଗଞ୍ଜାମ ଜିଲ୍ଲା । ବିଭିନ୍ନ ସମୟରେ ବାତ୍ୟାଠାରୁ ଆରମ୍ଭ କରି ବନ୍ୟା ଭଳି ବିପର୍ଯ୍ୟୟ ସମୟରେ ଜିରୋ କାଜୁଆଲିଟି ଲକ୍ଷ୍ୟ ରଖି ମୁକିବିଲା କରିଛି ଗଞ୍ଜାମ ଜିଲ୍ଲା । ତେବେ କୌଣସି ବିପର୍ଯ୍ୟୟ ଆସିଲେ ଗଞ୍ଜାମ ଜିଲ୍ଲା କେତେ ପ୍ରସ୍ତୁତ ସେନେଇ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଏବଂ ସ୍ବୟଂ ସିଦ୍ଧା ଟିମର କର୍ମକର୍ତ୍ତାଙ୍କ ସହ ଆଲୋଚନା କରିଛନ୍ତି ଆମ ସମ୍ବାଦଦାତା ।
ବିପର୍ଯ୍ୟୟ ମୁକାବିଲା ପାଇଁ ପ୍ରସ୍ତୁତ ସ୍ବୟଂ ସିଦ୍ଧା ବାହିନୀ
ଗଞ୍ଜାମ ଜିଲ୍ଲା ବିପର୍ଯ୍ୟୟ ମୁକାବିଲା କୌଶଳ ଏହାକୁ ଦେଶ ତଥା ବିଦେଶରେ ଖ୍ୟାତି ଦେଇଥିବା ବେଳେ ବର୍ତ୍ତମାନ ଗଞ୍ଜାମ ଜିଲ୍ଲାର ମହିଳା ସ୍ବୟଂ ସହାୟକ ସଙ୍ଘର ସଦସ୍ୟଙ୍କୁ ନେଇ ଗଠନ କରାଯାଇଛି ସ୍ବୟଂ ସିଦ୍ଧା ।