ବ୍ରହ୍ମପୁର: ଆଗାମୀ ଶାରଦୀୟ ପୂଜାକୁ ଦୃଷ୍ଟିରେ ରଖି ବ୍ରହ୍ମପୁର ପୋଲିସ ପକ୍ଷରୁ ଗ୍ରହଣ କରାଯାଇଛି ସ୍ବତନ୍ତ୍ର ପଦକ୍ଷେପ । କୋଭିଡ-୧୯ ର ଭୟ ଏବେବି ଯାଇନଥିବା ଯୋଗୁଁ ଏଭଳି ସମୟରେ ପ୍ରଶାସନକୁ ଜନସାଧାରଣ ସହଯୋଗ କରିବାକୁ ଆହ୍ବାନ କରାଯାଇଛି । ଏହି ପାର୍ବଣ ସମୟରେ ପରମ୍ପରାକୁ ଆଳ ଦେଖାଇ ଦଶହରା ଚାନ୍ଦା ଆଦାୟ, ଜୋର ଜବରଦସ୍ତ ଟଙ୍କା ଆଦାୟକୁ ନେଇ ତୁରନ୍ତ ପଦକ୍ଷେପ ନିଆଯିବାକୁ ସମସ୍ତ ଥାନାଧିକାରୀଙ୍କୁ ନିର୍ଦେଶ ଦିଆଯାଇଛି ।
'ଦଶହରା ସମୟରେ ପରମ୍ପରା ଆଳରେ ଚାନ୍ଦା ଆଦାୟ ଓ ଜୁଆ ଖେଳକୁ ପ୍ରଶୟ ଦିଆଯିବ ନାହିଁ'
ଏପରିକି ଏଭଳି କାର୍ଯ୍ୟ କରୁଥିବା ବ୍ୟକ୍ତି ବିଶେଷଙ୍କ ବିରୁଦ୍ଧରେ ତୁରନ୍ତ ପୋଲିସ କଣ୍ଟ୍ରୋଲ ରୁମ ୨୪ ଘଣ୍ଟିଆ କାର୍ଯ୍ୟ କରୁଥିବା ବେଳେ ଏଭଳି ଅଭିଯୋଗ ପାଇଲେ ଡାଏଲ୍ ୧୦୦ କୁ ଯୋଗାଯୋଗ କରିବାକୁ କୁହାଯାଇଛି । ଦଶହରା ଏବଂ କୁମାରପୂର୍ଣ୍ଣମା ଅବସରରେ ଜୁଆ ଖେଳ ବହୁ ମାତ୍ରାରେ ବୃଦ୍ଧି ପାଉଥିବାରୁ ଏହାକୁ ରୋକିବା ପାଇଁ ପୋଲିସ ପକ୍ଷରୁ ସ୍ବତନ୍ତ୍ର ନଜର ରଖାଯାଇଛି ।