ବ୍ରହ୍ମପୁର: ପରମ୍ପରା ଓ ନୀତିନିୟମକୁ ନେଇ ଆୟୋଜିତ ହେଉଥିବା ବ୍ରହ୍ମପୁରର ପ୍ରସିଦ୍ଧ ମାଆ ବୁଢୀ ସାଆନ୍ତାଣୀଙ୍କ ଯାତ୍ରାର ପ୍ରମୁଖ ଆକର୍ଷଣ ରହିଥାଏ ଘଟ ପରିକ୍ରମା । ଏଥିପାଇଁ ଜୋରସୋରରେ ଚାଲିଛି ପ୍ରସ୍ତୁତି । ପରମ୍ପରା ଅନୁଯାୟୀ ତୃତୀୟ ଦିବସରେ ମହୁରୀ ରାଜବାଟୀ ଯିବେ ବ୍ରହ୍ମପୁରର ପ୍ରସିଦ୍ଧ ମାଆ ବୁଢୀ ସାଆନ୍ତାଣୀ ।
ତୃତୀୟ ଦିନରେ ବୁଢୀ ଠାକୁରାଣୀ ଯାତ୍ରା, ଚାଲିଛି ଘଟ ପରିକ୍ରମା ପ୍ରସ୍ତୁତି
ଯାତ୍ରାର ପ୍ରଥମ ଦୁଇ ଦିନ ମାଆଙ୍କ ଆଜ୍ଞାମାଳ ଫୁଲ ଚାଙ୍ଗୁଡିରେ ପରିବର୍ତ୍ତନ ହେବା ପରେ ତୃତୀୟ ଦିବସର ଏହାକୁ ଘଟରେ କରାଯାଇଥାଏ ପରିବର୍ତ୍ତନ । ଏଣୁ ମାଆଙ୍କ ମୁଖ୍ୟ ଘଟ ସହିତ ଆଠଟି ପାଶ୍ବ ଘଟକୁ ମିଶାଇ ସମୁଦାୟ ନଅ ଗୋଟି ଘଟକୁ ବ୍ରହ୍ମପୁର ସହର ଉପକଣ୍ଠ କୁମ୍ଭାରପଲ୍ଲୀରୁ ଅଣାଯାଏ । ଏହା ପରେ ମାଆଙ୍କ ବାପଘର କୁହାଯାଉଥିବା ଦେଶୀବେହେରାଙ୍କ ଘରେ ଚିତ୍ରଣ କରାଯାଇଥାଏ । ଚିତ୍ର କରୁଥିବା ପରିବାର ଆସି ଘଟ ଚିତ୍ରଣ କରୁଛନ୍ତି ।