ବ୍ରହ୍ମପୁର: ଭାରତୀୟ କ୍ରିକେଟ ଟିମର ଅଧିନାୟକ ବିରାଟ କୋହଲିଙ୍କ ଆଜି ଜନ୍ମଦିନ । 32 ବର୍ଷରେ ପାଦ ଥାପିଛନ୍ତି ଏହି ମହାନ କ୍ରିକେଟର । ଏହି ଅବସରରେ ଦେଶବ୍ୟାପୀ ଥିବା ତାଙ୍କ ଫ୍ୟାନ୍ସ ଓ ଫଲୋୟର୍ସମାନେ ବିରାଟଙ୍କୁ ଶୁଭେଚ୍ଛା ଜଣାଉଥିବାବେଳେ ଓଡିଶା ତଥା ବ୍ରହ୍ମପୁରରେ ଥିବା ତାଙ୍କର ଜଣେ ବଡ ଫ୍ୟାନ ପିଣ୍ଟୁ ବେହେରା ନିଆରା ଢଙ୍ଗରେ ତାଙ୍କ ଜନ୍ମଦିନ ପାଳନ କରିଛନ୍ତି ।
32 ବର୍ଷରେ ରନମେସିନ, ନିଆରା ଢଙ୍ଗରେ ଜନ୍ମଦିନ ପାଳିଲେ ବ୍ରହ୍ମପୁରର ଫ୍ୟାନ ପିଣ୍ଟୁ
ପିଣ୍ଟୁ ନିଜ ସାଙ୍ଗସାଥୀଙ୍କ ସହ ରାସ୍ତା ଉପରେ ବିରାଟଙ୍କ ନାଁରେ କେକ କାଟିଛନ୍ତି । ଏଥିସହ ତାଙ୍କର ଏକ ବଡ ବ୍ୟାନର ମଧ୍ୟ ଘରର ଛାତ ଉପରେ ଲଗାଇଛନ୍ତି । ପ୍ରକାଶ ଥାଉ କି, ଗତବର୍ଷ ବିଶାଖାପାଟନମ୍ ଟେଷ୍ଟ ପୂର୍ବରୁ ବିରାଟଙ୍କୁ ଭେଟିଥିଲେ ପିଣ୍ଟୁ । ସେହି ସମୟରେ ତାଙ୍କୁ ଦେଖି ବିରାଟ ଆଶ୍ଚର୍ଯ୍ୟ ହୋଇପଡିଥିଲେ । କାରଣ ପିଣ୍ଟୁଙ୍କ ଦେହ ସାରା ରହିଛି ବିରାଟଙ୍କ ଟାଟୁ । ତାଙ୍କ ନାମ, ଜର୍ସି ନମ୍ବର ଓ ବିରାଟଙ୍କ ପ୍ରତିଟି ସଫଳତାକୁ ନିଜ ଦେହରେ ଟାଟୁ କରିଛନ୍ତି ସେ ।