ବ୍ରହ୍ମପୁର: ସାବଧାନ ! ସୋସିଆଲ ମିଡିଆରେ ପିଏମ କେୟାର୍ସ ଫଣ୍ଡକୁ ଟଙ୍କା ପଠାଇବା ପୂର୍ବରୁ ରୁହନ୍ତୁ ସତର୍କ । ସହାୟତା ବଦଳରେ ସଙ୍କଟରେ ପଡିପାରନ୍ତି । ହୋଇପାରନ୍ତି ଠକାମୀର ଶିକାର । କାରଣ ସୋସିଆଲ ମିଡିଆରେ ଘୂରିବୁଲୁଛି ଶହ ଶହ ଫେକ୍ ଆକାଉଣ୍ଟ ।
ସାବଧାନ ! ସୋସିଆଲ ମିଡିଆରେ ଘୂରିବୁଲୁଛି ପିଏମ କେୟାର୍ସ ଫଣ୍ଡର ଫେକ୍ ଆକାଉଣ୍ଟ
କୋରୋନା ମୁକାବିଲା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ପିଏମ କେୟାର୍ସ ଫଣ୍ଡ ଖୋଲାଯାଇଛି । ଯେଉଁଥିରେ ଆପଣ ସରକାରଙ୍କୁ ଏ ବିପଦ ସମୟରେ କିଛି ଆର୍ଥିକ ସହାୟତା ଯୋଗାଇ ପାରିବେ । ତେବେ ଏହାର ଫାଇଦା ନେବାକୁ ପ୍ରୟାସ ଚଳାଇଛନ୍ତି କିଛି ସାଇବର ଅପରାଧୀ । ସେମାନେ ପିଏମ କେୟାର୍ସ ଫଣ୍ଡ ନାମରେ ସୋସିଆଲ ମିଡିଆରେ କିଛି ବ୍ୟାଙ୍କ ଆକାଉଣ୍ଟ ତଥ୍ୟ ଦେଉଛନ୍ତି । ଯାହାର ଶିକାର ହେଉଛନ୍ତି ସାଧାରଣ ଲୋକେ ।