ବ୍ରହ୍ମପୁର: ତେଲ କଡେଇରେ ପଡି ଗୁରୁତର ହୋଇଥିବା ଶିବଶଙ୍କରକୁ ଅଧିକ ଚିକିତ୍ସା ପାଇଁ ଏମକେସିଜିକୁ ସ୍ଥାନାନ୍ତର କରାଯାଇଛି । ଜିଲ୍ଲା ସ୍ବାସ୍ଥ୍ୟ ବିଭାଗରୁ ଅଧିକ ଚିକିତ୍ସା ପାଇଁ ଏମକେସିଜି ମେଡିକାଲକୁ ସ୍ଥାନାନ୍ତର କରାଯାଉଥିବା ସୂଚନା ଦିଆଯାଇଛି ।
ଅଧିକ ଚିକିତ୍ସା ପାଇଁ ଶିବଶଙ୍କର ଏମକେସିଜିକୁ ସ୍ଥାନାନ୍ତରିତ
ଗତ ୧୫ ଦିନ ଧରି ବ୍ରହ୍ମପୁର ସହରର ନଗର ଚିକିତ୍ସାଳୟରେ ଚିକିତ୍ସିତ ହେଉଥିଲେ ଶିବଶଙ୍କର । ତେବେ ସେ ଜୀବନ ବଞ୍ଚାଇବା ପାଇଁ କିଭଳି ସଂଗ୍ରାମ ଜାରି ରଖିଛନ୍ତି ସେହି ଘଟଣା ଗଣମାଧ୍ୟମରେ ପ୍ରକାଶିତ ହେବା ପରେ ପ୍ରଶାସନ ତତ୍ପର ପ୍ରକାଶ କରିଛି । ଏଭଳି ସ୍ଥିତିରେ ଶିବଶଙ୍କରଙ୍କୁ ତାଙ୍କ ପତ୍ନୀ ପର କରିଦେଇ ଚାଲିଯିବା ପରେ ସହାୟତା ପାଇଁ ଆଗକୁ ଆସିଛନ୍ତି କିଛି ଯୁବକ । ବିଭିନ୍ନ ସଙ୍ଗଠନ ପକ୍ଷରୁ ତାଙ୍କୁ ଆର୍ଥିକ ସହୟତା ଯୋଗାଇ ଦିଆଯାଇଛି ।