ଏଟିଏମକୁ କାଟି ଟଙ୍କା ଲୁଟ ଉଦ୍ୟମ

କଟର ସାହାଯ୍ୟରେ ବ୍ୟାଙ୍କ ଏଟିଏମକୁ କାଟି ଲୁଟ ଉଦ୍ୟମ । ଗଞ୍ଜାମ ଜିଲ୍ଲାର ସଦର ମହକୁମ୍ମା ଛତ୍ରପୁର ସହରରେ ଘଟିଛି ଏହି ଘଟଣା । ଅଧିକ ପଢନ୍ତୁ...

ବ୍ରହ୍ମପୁର:ବ୍ୟାଙ୍କ ଏଟିଏମକୁ କାଟି ଲୁଟ ଉଦ୍ୟମ । ଏଭଳି ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲାର ସଦର ମହକୁମ୍ମା ଛତ୍ରପୁର ସହରରେ । ସହରରେ ରହିଥିବା ଇଣ୍ଡିଆନ ବ୍ୟାଙ୍କ ଏଟିଏମକୁ ବିଳମ୍ବିତ ରାତ୍ରରେ ଦୁବୃର୍ତ୍ତମାନେ କଟର ସାହାଯ୍ୟରେ କାଟି ଲୁଟ ଉଦ୍ୟମ କରିଥିଲେ । ହେଲେ ଏଟିଏମଟି କାର୍ଯ୍ୟକ୍ଷମ ନଥିବାରୁ କୌଣସି ଟଙ୍କା ଲୁଟ ହୋଇନଥିବା ଜଣାପଡିଛି |

ଏହି ଘଟଣା ଜଣାପଡିବା ପରେ ଖବର ପାଇଁ ସ୍ଥାନୀୟ ଛତ୍ରପୁର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଘଟଣାସ୍ଥଳରେ ଅତିରିକ୍ତ ଏସପି ଠାକୁର ପ୍ରସାଦ ପାତ୍ର, ଏସଡିପିଓ ଗୌତମ କିଷାନ, ଛତ୍ରପୁର ଥାନା ଅଧିକାରୀ ଓ ଚମାଖଣ୍ଡି ଥାନା ଅଧିକାରୀ ଏକ ସନ୍ଧାନୀ କୁକୁର ସହିତ ସାଇଣ୍ଟିଫିକ୍ ଟିମ୍ ଘଟଣାର ତଦନ୍ତ ଜାରି ରଖିଛନ୍ତି ।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ