ବ୍ରହ୍ମପୁର: ସମ୍ପତ୍ତି ପାଇଁ ନିଜ ସମ୍ପର୍କୀୟଙ୍କୁ ମରଣାନ୍ତକ ଆକ୍ରମଣ କରାଯିବା ମାମଲାରେ ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ପୋଲିସ ଘଟଣାର ସମ୍ପୃକ୍ତ ଅନ୍ୟ ଜଣେ ଅଭିଯୁକ୍ତ ଜି. ଶଙ୍କର ରାଓଙ୍କୁ ଗିରଫ କରି କୋର୍ଟଚାଲାଣ କରିଛି।
ଗଞ୍ଜାମ ଦିଗପହଣ୍ଡି ଉପ ନିର୍ବନ୍ଧକ କାର୍ଯ୍ୟାଳୟରେ ଗତ ଏପ୍ରିଲ ୫ ତାରିଖରେ ଜମିଜମା କିଣାବିକାକୁ ନେଇ ନିଜ ସମ୍ପର୍କୀୟଙ୍କୁ ଆକ୍ରମଣ ମାମଲାରେ ପୂର୍ବରୁ ବଡ଼ଭାଇ ଜି .ମୋହନ ରାଓଙ୍କୁ ପୋଲିସ ଗିରଫ କରି କୋର୍ଟଚାଲାଣ କରିଥିବାବେଳେ ଶେଷରେ ସାନଭାଇଙ୍କୁ ଗିରଫ କରିଛି ।
ଖବରନୁଯାୟୀ, ସାନଖେମୁଣ୍ଡି ବ୍ଲକ ପୋଡାମାରୀ ବଡ଼ବଜାର ସାହିର ସ୍ୱର୍ଗତ ଜି. ମାର୍କଣ୍ଡ ଓ ଜି.ଲଚ୍ଛମନ ପୌତୃକ ଗ୍ରାମରେ ରହିଥିବା ୭ ଭରଣ ଜମିକୁ ନେଇ ମାର୍କଣ୍ଡଙ୍କ ଦୁଇଝିଅ ଏମ୍ .ସାରଦା ଓ ବି .ଜ୍ୟୋତି ଏବଂ ଜି.ଲଚ୍ଛମନ ରାଓଙ୍କ ଦୁଇପୁଅ ଜି.ଶଙ୍କର ରାଓ ଓ ଜି. ମୋହନ ରାଓ ମଧ୍ୟରେ ବିବାଦ ଲାଗି ରହିଥିଲା ।