ବିପୁଳ ପରିମାଣର ମଦ ଜବତ, 3 ଗିରଫ

ବିପୁଳ ପରିମାଣର ମଦ ଜବତ। ଅବକାରୀ ବିଭାଗ ପକ୍ଷରୁ କରାଯାଇଥିଲା ଚଢାଉ । 3 ଗିରଫ । ଅଧିକ ପଢନ୍ତୁ...

ବ୍ରହ୍ମପୁର:ବିପୁଳ ପରିମାଣର ବିଦେଶୀ ମଦ ଜବତ କରିବା ସହିତ ତିନି ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ଗଞ୍ଜାମ ଜିଲ୍ଲାର ଅବକାରୀ ବିଭାଗ ପକ୍ଷରୁ ଚଢାଉ କରାଯାଇଥିଲା । ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଆସିକା ଅଞ୍ଚଳର ଅବକାରୀ ବିଭାଗର କର୍ମଚାରୀ ଓ ଅଧିକାରୀ ମାନେ ଜିଲ୍ଲାର ବଡଗଡ ଥାନା ଅନ୍ତର୍ଗତ ବାରସିଂହ ଗାଁ , ଶେରଗଡ ଥାନାର ବାହାଡାଗୁଡା ଓ ବନ୍ଦାଗୁଡା ଗାଁରେ ଚଢାଉ କରିଥିଲେ । ୯୩.୯୬୦ଲିଟର ବିଦେଶୀ ମଦ ଓ ୩୦.୬୩୦ ଲିଟର ବିୟର ଜବତ ହୋଇଛି ।

ସେହିପରି ବଡଗଡ ଥାନା ଅଧୀନରେ ବାରର୍ସିଙ୍ଗି ଗାଁର ଜୁଜା ପ୍ରଧାନଙ୍କ ନିକଟରୁ ନକଲି ବିଦେଶୀ ମଦ ଜବତ କରାଯାଇଛି । ଏହାର ନମୁନା ସଂଗ୍ରହ କରାଯାଇ ରାସାୟନିକ ପରୀକ୍ଷା ପାଇଁ ପଠାଯାଇଛି। ଏନେଇ ତିନି ଜଣଙ୍କୁ ଗିରଫ କରାଯାଇଛି।

ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ