ବ୍ରହ୍ମପୁର : ପୁଣି ଅଲୋଡା ହେଲା ନବଜାତକ । ଗଞ୍ଜାମରେ ପୁଣି ଏକ ପରିତ୍ୟକ୍ତ ଅଞ୍ଚଳରୁ ଶିଶୁ ପୁତ୍ରକୁ ଉଦ୍ଧାର କରାଯାଇଛି । ଛତ୍ରପୁର ଯୋଶେଫ୍ ଆଇଟିଆଇ ନିକଟସ୍ଥ ଏକ କିଆବୁଦାରୁ ନବଜାତ ଶିଶୁପୁତ୍ରକୁ ଉଦ୍ଧାର କରାଯାଇ ଥିବା ସୂଚନା ମିଳିଛି । ଶିଶୁଟିର ସ୍ବାସ୍ଥ୍ୟ ପରୀକ୍ଷା କରାଯାଇ ଚାଇଲଡ୍ ଲାଇନକୁ ହସ୍ତାନ୍ତର କରାଯାଇଛି।
ପୁଣି ଅଲୋଡା ହେଲା ନବଜାତକ
ତେବେ ସୂଚନା ଅନୁସାରେ, ପାଲିଆ ଛତ୍ରପୁର ଗାଁର ଦାଶରଥୀଙ୍କ ଝିଅ ଫୁଲ ତୋଳିବାକୁ ଯାଇଥିବାବେଳେ ଶିଶୁର କାନ୍ଦିବାର ଶବ୍ଦ ଶୁଣିଥିଲେ । ପରେ ସେ, ଶିଶୁଟିକୁ ଉଦ୍ଧାର କରି ଛତ୍ରପୁର ଡାକ୍ତରଖାନାରେ ଭର୍ତ୍ତି କରାଇଥିଲେ । ଖବର ପାଇ ଛତ୍ରପୁର ସିଡିପିଓ ଘଟଣାସ୍ଥଳରେ ପହଞ୍ଚିଥିଲେ । ଶିଶୁର ସ୍ବାସ୍ଥ୍ୟବସ୍ଥା ଡାକ୍ତରଙ୍କ ଠାରୁ ପଚାରି ବୁଝିବା ପରେ ସିଡବ୍ଲୁସିକୁ ଖବର ଦିଆଯାଇଥିଲା ।