ବ୍ରହ୍ମପୁର: କୋରୋନା ସମ୍ପର୍କିତ ମିଥ୍ୟା ଖବର ପ୍ରଚାରିତ କରିବା ଅଭିଯୋଗରେ ଗଞ୍ଜାମ ଜିଲା ଛତ୍ରପୁର ଜଣେ ଅଭିଯୁକ୍ତଙ୍କୁ ଗିରଫ କରିଛି । ଗିରଫ ଜଣକ ଆର୍ଯ୍ୟପଲ୍ଲୀ ଅଞ୍ଚଳର ଯୁବକ ଏରେୟା ବୋଲି କୁହାଯାଉଛି । ଏନେଇ ଛତ୍ରପୁର ପୋଲିସ ଏକ ସାମ୍ୱାଦିକ ସମ୍ମିଳନୀରେ ଏସଡିପିଓ ଗୌତମ କିଷାନ ସୂଚନା ଦେଇଛନ୍ତି ।
କୋରୋନା ସମ୍ପର୍କିତ ମିଥ୍ୟା ଖବର ପ୍ରଚାର ଅଭିଯୋଗରେ ଜଣେ ଗିରଫ
ଗଞ୍ଜାମ ଜିଲାର ଛତ୍ରପୁର ଅଞ୍ଚଳରେ କୋରୋନାକୁ ନେଇ ମିଥ୍ୟା ଖବର ପ୍ରଚାର କରିବା ଅଭିଯୋଗରେ ପୋଲିସ ପକ୍ଷରୁ ଏଭଳି କାର୍ଯ୍ୟାନୁଷ୍ଠାନ ନିଆଯାଇଛି । ସୂଚନା ଅନୁଯାୟୀ କିଛି ଦିନ ତଳେ ଛତ୍ରପୁର ଅଞ୍ଚଳର ଜଣେ ଲୋକ ବିଦେଶରୁ ଫେରିବା ପରେ ସେ ମେଡିକାଲ ଟେଷ୍ଟ କରିବା ପରେ ତାଙ୍କ ସ୍ବାସ୍ଥ୍ୟ ଅବସ୍ଥା ଭଲ ଥିବା ମେଡିକାଲ ପକ୍ଷରୁ କୁହାଯାଇଥିଲା । କିନ୍ତୁ ଗିରଫ ଯୁବକ ଜଣକ ତାଙ୍କୁ କୋରୋନା ପଜେଟିଭ୍ ରହିଥିବା ନେଇ ମିଥ୍ୟା ଖବର ଚାରି ସୋସିଆଲ ମିଡ଼ିଆରେ ପ୍ରଚାର କରିଥିଲେ। ଏହାପରେ ଥାନାରେ ୭୭/୨୦ରେ ଏକ ମାମଲା ରୁଜୁ ହୋଇ ଘଟଣାରେ ସମ୍ପୃକ୍ତ ଅଭିଯୁକ୍ତକୁ ଗିରଫ କରାଯାଇଛି ।