ବ୍ରହ୍ମପୁର: ଦୁଇ ସାଙ୍ଗ ମଧ୍ୟରେ ହୋଇଥିବା ଏକ ଗଣ୍ଡଗୋଳରୁ ଜଣେ ଯୁବକଙ୍କୁ ହତ୍ୟା କରାଯାଇଥିବାର ଅଭିଯୋଗ ଆସିଛି । ଗଞ୍ଜାମ ଜିଲ୍ଲାର ଗୋଳନ୍ଥରା ଥାନା ଅଞ୍ଚଳରେ ଏଭଳି ଘଟଣା ଘଟିଥିବା ଦେଖାଯାଇଛି । ହତ୍ୟାର ଶିକାର ହୋଇଥିବା ଯୁବକ ଜଣଙ୍କ ଗୌରାଙ୍ଗ ମଣ୍ଡଳ ବୋଲି ଜଣାପଡିଛି ।
ଯୁବକଙ୍କ ମୃତଦେହ ଉଦ୍ଧାର
ଗତ ୨୬ ତାରିଖ ଠାରୁ ଗୌରାଙ୍ଗ ଫେରାର ଥିଲେ । ମାତ୍ର ଗୋଳନ୍ଥରା ନିକଟସ୍ଥ ଘଟକା ନଦୀରେ ତାଙ୍କ ମୃତଦେହ ମିଳିବା ପରେ ଏହା ହତ୍ୟା ବୋଲି ସନ୍ଦେହ କରାଯାଉଛି ।
ସୂଚନା ଅନୁଯାୟୀ, ଗୌରାଙ୍ଗଙ୍କ ମୃତଦେହ ପଡିଥିବା ନେଇ ସୋସିଆଲ ମିଡିଆରେ ଏକ ଫଟୋ ଭାଇରାଲ ହୋଇଥିଲା । ଫଟୋ ଦେଖିବା ପରେ ପରିବାର ବର୍ଗ ଏହା ତାଙ୍କର ନିଖୋଜ ପୁତ୍ର ଗୌରାଙ୍ଗ ବୋଲି ଜାଣିପାରିଥିଲେ ବୋଲି ତାଙ୍କ ବାପା ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି ।