ବ୍ରହ୍ମପୁର: ସହରରେ କୋରୋନାର ସଂଙ୍କ୍ରମଣ ବହୁ ମାତ୍ରାରେ ବୃଦ୍ଧି ପାଇଥିବା ବେଳେ ଏଭଳି ସମୟରେ ଜିଲ୍ଲା ପ୍ରଶାସନ ପକ୍ଷରୁ ବ୍ରହ୍ମପୁରର ଏମକେସିଜି ମେଡିକାଲର ଓପିଡି ସେବାକୁ ଅସ୍ଥାୟୀ ରୂପରେ ବନ୍ଦ କରାଯାଇଛି । ଏହା କେବଳ ସଂଙ୍କ୍ରମଣ ରୋକିବା ପାଇଁ ଦୃଷ୍ଟିରେ ରଖି ଏପରି ବନ୍ଦ ରଖାଯାଇଥିବା ବେଳେ ଏହାର ବିକଳ୍ପ ଭାବରେ ଏମକେସିଜି ମେଡିକାଲରେ ଟେଲି ମେଡିସେନର ବ୍ୟବସ୍ଥାକୁ ଅଧିକ ଗୁରୁତ୍ୱ ଦିଆଯାଇଥିବା ମେଡିକାଲ ପକ୍ଷରୁ ପୂର୍ବରୁ ସୂଚନା ଦିଆଯାଇଛି ।
MKCG ରେ ଟେଲି ମେଡିସନ୍ ସେବା ପାଇଁ ଜାରି ହେଲା ଆଉ 4 ହେଲପଲାଇନ୍ ନମ୍ୱର
ପୂର୍ବରୁ ଏମକେସିଜି ର ଦୁଇଟି ଡେଡିକେଟେଡ୍ ନମ୍ୱର ରଖାଯାଇଥିବା ବେଳେ ବହୁ ଜନସାଧାରଣଙ୍କ ଏଥିପାଇଁ ଫୋନ୍ ଲାଇନ୍ ବ୍ୟସ୍ତ ରହୁଥିବାରୁ ଉପୁଜୁଥିବା ସମସ୍ୟାକୁ ଦୃଷ୍ଟିରେ ରଖି ଏଥିରେ ଆଉ 4ଟି ନମ୍ୱର ସଂଯୋଗ କରାଯାଇଛି । ଯେଉଁଥିରେ ସହର ସମେତ ବିଭିନ୍ନ ଅଞ୍ଚଳର ଜନସାଧାରଣ ଏହି 6ଟି ଡେଡିକେଟ୍ ନମ୍ୱରରେ ଫୋନ୍ କରି ସେମାନଙ୍କ ରୋଗ ସଂପର୍କରେ ବିଭିନ୍ନ ସୁବିଧା ପାଇପାରିବେ ।