ବ୍ରହ୍ମପୁର: ପଡୋଶୀଙ୍କ ଆକ୍ରମଣରେ ବାପା ଓ ପୁଅ ଆହତ । ମଙ୍ଗଳବାର ଗଞ୍ଜାମ ଦିଗପହଣ୍ଡି ଅନ୍ତର୍ଗତ ଗୋକର୍ଣ୍ଣପୁର ପଞ୍ଚାୟତ ଦକ୍ଷିଣପୁର ଗ୍ରାମରେ ଏଭଳି ଘଟଣା ଘଟିଛି । ପୂର୍ବ ଶତ୍ରୁତା ଯୋଗୁଁ ଆକ୍ରମଣ ହୋଇଥିବା ପ୍ରକାଶ ।
ଭିଡିଓ ସୌଜନ୍ୟ- ସମ୍ବାଦଦାତା, ବ୍ରହ୍ମପୁର
ଆହତଙ୍କ ମଧ୍ୟରେ ଜି. ଯୋଗେନ୍ଦ୍ର ରେଡ୍ଡୀ (50) ଏବଂ ତାଙ୍କ ପୁଅ ଜି . ରାଜେଶ ରେଡ୍ଡୀ ରହିଛନ୍ତି । ଗତ କିଛି ଦିନ ତଳେ ଦକ୍ଷିଣପୁର ଗ୍ରାମରେ ରହୁଥିବା ଜି.ଯୋଗେନ୍ଦ୍ର ରେଡ୍ଡୀଙ୍କର ତାଙ୍କ ଘର ଆଗରେ ଥିବା ପି . ଜାଗିଲି ରେଡ୍ଡୀଙ୍କ ସହ କୌଣସି କଥାକୁ ନେଇ ପାଟିତୁଣ୍ଡ ହୋଇଥିଲା । ଏଥିରେ ଆକ୍ରୋଶ ହୋଇ ଜାଗିଲି, ଯୋଗେନ୍ଦ୍ରଙ୍କ ଘର ଛାତ ପଡୁଥିବା ସମୟରେ ହଠାତ୍ ଆସି ଏକ ଛୁରୀ ସାହାଯ୍ୟରେ ପ୍ରଥମେ ଯୋଗେନ୍ଦ୍ରଙ୍କ ପେଟକୁ ଆକ୍ରମଣ କରିଥିଲେ । ଖବର ପାଇ ପୁଅ ରାଜେଶ ବାପାଙ୍କୁ ବଞ୍ଚାଇବା ପାଇଁ ଆସିବା ବେଳେ ତାଙ୍କ ଉପରକୁ ମଧ୍ୟ ଆକ୍ରମଣ ହୋଇଥିବା ଅଭିଯୋଗ ହୋଇଛି ।