ବ୍ରହ୍ମପୁର: ଗତ ୨୦ରେ ଉଦଘାଟିତ ହୋଇଥିବା ବ୍ରହ୍ମପୁର ଏମ୍କେସିଜି ମେଡିକାଲ ପରିସରର ଅକ୍ସିଜେନ୍ ପ୍ଲାଣ୍ଟରେ ଭର୍ତ୍ତି କରାଯାଉଛି ୧୫ ହଜାର ଲିଟର ଲିକ୍ୱିଡ ଅକ୍ସିଜେନ୍ । ଏହାର ଷ୍ଟୋରେଜ ପରିମାଣ ୨୦ ହଜାର ଲିଟର ରହିଥିବା ବେଳେ ଯାଜପୁରରୁ ବ୍ରହ୍ମପୁର ଆସିଥିବା ଏକ ଟ୍ୟାଙ୍କରରୁ ଏହି ଅକ୍ସିଜେନ୍ ଏମ୍.କେ.ସି.ଜି ପରିସରରେ ପ୍ରତିଷ୍ଠା ହୋଇଥିବା ଏହି ପ୍ଲାଣ୍ଟ ପରିସରରେ ପ୍ରଥମଥର ପାଇଁ ଫିଲିଙ୍ଗ୍ କରାଯାଉଛି ।
ଏମ୍କେସିଜି ଅକ୍ସିଜେନ ପ୍ଲାଣ୍ଟରେ ଭର୍ତ୍ତି କରାଯାଉଛି ୧୫ ହଜାର ଲିଟର ଲିକ୍ୱିଡ ଅକ୍ସିଜେନ
ଲିକ୍ୱିଡ ଅକ୍ସିଜେନ୍ ଟ୍ୟାଙ୍କର ବ୍ରହ୍ମପୁର ଏମକେସିଜିରେ ପହଞ୍ଚିବା ପରେ ଟ୍ୟାଙ୍କରଟି ୧୫ ହଜାର ଲିଟର ବିଶିଷ୍ଟ ହୋଇଥିବା ଯୋଗୁଁ ବର୍ତ୍ତମାନ ୧୫ ହଜାର ଲିଟର ଲିକ୍ୱିଡ ପ୍ଲାଣ୍ଟରେ ଫିଲିଙ୍ଗ୍ କରାଯାଇଛି । ପରେ ସେହି ଲିକ୍ୟୁଡ୍ ଅକ୍ସିଜେନ୍କୁ ନିୟମ ଅନୁଯାୟୀ କୌଶଳରେ ଚାପ ଦେଇ ସେଥ୍ରୁ ଅକ୍ସିଜେନ୍ ବାହାର କରାଯାଇ ରୋଗୀଙ୍କ ନିକଟକୁ ପାଇପ୍ ଯୋଗେ ପଠାଯିବ। ଏଥି ନିମନ୍ତେ କପର ପାଇପ ମଧ୍ୟ ଡିସିଏଚ୍-୨ରେ ସଂଯୋଗ କରାଯାଇଛି।