ବାରିପଦା: ଆସନ୍ତାକାଲି(ବୁଧବାର) ମୟୂରଭଞ୍ଜ ଗସ୍ତରେ ଆସିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏନେଇ ଚଳଚଞ୍ଚଳ ମୟୂରଭଞ୍ଜ ଜିଲ୍ଲା ପୋଲିସ ଓ ପ୍ରଶାସନ । ସେପଟେ ଆସନ୍ତାକାଲି ବିଭିନ୍ନ ଟ୍ରେଡ ୟୁନିୟନ ପକ୍ଷରୁ ଭାରତ ବନ୍ଦ ଡାକରା ଦିଆଯାଇଥିବାବେଳେ ମୁଖ୍ୟମନ୍ତ୍ରୀ ମୟୂରଭଞ୍ଜ ଗସ୍ତରେ ଆସୁଥିବାରୁ ସୁରକ୍ଷା କଡାକଡି କରାଯାଇଛି ।
ବୁଧବାର ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ, ସୁରକ୍ଷା ବ୍ୟବସ୍ଥା କଡାକଡି
ମୟୁରଭଞ୍ଜ ଜିଲ୍ଲା ବାଙ୍କିଷୋଳରେ ନୂତନ ଭାବେ ନିର୍ମାଣ ହୋଇଥିବା ଆଦାନୀ କିସ ରେସିଡେନ୍ସିଆଲ ସ୍କୁଲର ଉଦଘାଟନୀ ଉତ୍ସବରେ ଯୋଗଦେବେ ମୁଖ୍ୟମନ୍ତ୍ରୀ । ଏନେଇ ଆସନ୍ତାକାଲି ଦିନ 11ଟା 30ରେ ମୁଖ୍ୟମନ୍ତ୍ରୀ ଆଦାନୀ କିସ ପଡିଆରେ ହେଲିକପ୍ଟର ଯୋଗେ ପହଞ୍ଚିବାର କାର୍ଯ୍ୟକ୍ରମ ରହିଛି । ଏହାସହ ମୁଖ୍ୟମନ୍ତ୍ରୀ ମୟୁରଭଞ୍ଜ ଜିଲ୍ଲାର ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ଶିଳାନ୍ୟାସ ମଧ୍ୟ କରିବାର କାର୍ଯ୍ୟକ୍ରମ ରହିଛି ।