ବିଭିନ୍ନ ସମସ୍ୟା ନେଇ ହାଇକୋର୍ଟ ମୁଖ୍ୟ ବିଚାରପତିଙ୍କ ଦୃଷ୍ଟି ଆକର୍ଷଣ କଲା ଜିଲ୍ଲା ଓକିଲ ସଙ୍ଘ

ଦୀର୍ଘ ଦିନ ଧରି ବିଭିନ୍ନ ଅବ୍ୟବସ୍ଥା ଭିତରେ ରହିଛି ଜିଲ୍ଲା ବାର ଆସୋସିଏସନ । ହାଇକୋର୍ଟ ବେଞ୍ଚ ପ୍ରତିଷ୍ଠା, ସିବିଆଇ କୋର୍ଟ ପ୍ରତିଷ୍ଠା ଦାବିରେ ହାଇକୋର୍ଟ ମୁଖ୍ୟ ବିଚାରପତିଙ୍କୁ ଅବଗତ କରାଇଛି ଜିଲ୍ଲା ଓକିଲ ସଙ୍ଘ । ଅଧିକ ପଢନ୍ତୁ...

ବାଲେଶ୍ଵର: ଜିଲ୍ଲା ବାର ଆସୋସିଏସନ ଦ୍ୱାରା ଆୟୋଜିତ ଏକ ଇ-ଟ୍ରେନିଂ କାର୍ଯ୍ୟକ୍ରମରେ ଓଡିଶା ହାଇକୋର୍ଟର ମୁଖ୍ୟ ବିଚାରପତି ଏସ୍ ମୁରଲୀଧର ଓ ବାଲେଶ୍ଵର ବିଚାର ବିଭାଗୀୟ ଦାୟିତ୍ୱରେ ଥିବା ହାଇକୋର୍ଟ ବିଚାରପତି ଦେବବ୍ରତ ଦାସ ଏହି କାର୍ଯ୍ୟକ୍ରମରେ ଯୋଗ ଦେଇଛନ୍ତି । ଏଥିରେ ବାଲେଶ୍ଵର, ମୟୂରଭଞ୍ଜ ଓ ଭଦ୍ରକ ଅଞ୍ଚଳର ଓକିଲମାନେ ଯୋଗ ଦେଇଥିଲେ ।

ଏହି ପରିପ୍ରେକ୍ଷୀରେ ଗୃହ, ତ୍ୱରିତ ନ୍ୟାୟ ପ୍ରକ୍ରିୟା, ଖାଲି ପଡିଥିବା ବିଚାରପତି ପଦବୀ, ହାଇକୋର୍ଟ ବେଞ୍ଚ ପ୍ରତିଷ୍ଠା, ମାସକୁ ଥରେ ସିବିଆଇ କୋର୍ଟ ପ୍ରତିଷ୍ଠା ପାଇଁ ଓକିଲ ସଙ୍ଘ ପକ୍ଷରୁ ଦାବି ଉପସ୍ଥାପନ କରାଯାଇଥିଲା । ତେବେ ବାଲେଶ୍ଵରର ଓକିଲମାନଙ୍କ ଏସବୁ ସମସ୍ୟା ପ୍ରତି ଗୁରୁତ୍ୱ ଦିଆଯିବ ବୋଲି ହାଇକୋର୍ଟର ମୁଖ୍ୟ ବିଚାରପତି କହିଥିବା ନେଇ ସୂଚନା ମିଳିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ