ବାଲେଶ୍ଵର: ଜିଲ୍ଲାର ଅନେକ ଚାଷ ମଧ୍ୟରୁ ଆଖୁ ଚାଷ ଅନ୍ୟତମ। ଆଖୁଚାଷ କରି ପରିବାର ପୋଷିବା ପାଇଁ ଅଣ୍ଟା ଭିଡୁଥିବା ଚାଷୀର କଥା କହିଲେ ନସରେ। ଚଳିତବର୍ଷ ଏତେ ପରିଶ୍ରମ କରି ଆଖୁ ଅମଳ ପରେ ଆଖୁଚାଷରେ ଲାଭ ଅତି ନୈରାଶ୍ୟଜନକ। ସରକାରୀ ଦୃଷ୍ଟି ଆଢୁଆଳରେ ଆଖୁଚାଷୀମାନେ ରହି ଯାଇଛନ୍ତି। କୌଳିକ ବୃତ୍ତିରୁ ନା ଓହରି ପାରୁଛନ୍ତି ନା ପରିଶ୍ରମର ଉପଯୁକ୍ତ ପାରିଶ୍ରମିକ ପାଉଛନ୍ତି। ଏମିତି ଅନିଶ୍ଚିତତା ଭିତରେ ରହିଛି ଆଖୁଚାଷୀଙ୍କ ଭାଗ୍ୟ।
ଅନ୍ଧାରରେ ଆଖୁଚାଷୀଙ୍କ ଭବିଷ୍ୟ
ବାଲେଶ୍ଵର ଜିଲ୍ଲା ବସ୍ତା ବ୍ଲକ ଗିଲାଯୋଡି ଅଞ୍ଚଳରେ ହୋଇଛି ଏକର ଏକର ଜମିରେ ଆଖୁଚାଷ। ସୁବର୍ଣ୍ଣରେଖା ନଦୀ ଅବବାହିକା ଅଞ୍ଚଳରେ ଆଖୁଚାଷ ଭଲ ହେଉଥିବାରୁ କିଛି ଲାଭ ଆଶାରେ ଚାଷୀମାନେ ଆଖୁଚାଷ କରିଥାନ୍ତି। ହେଲେ ଆଖୁ ବିକ୍ରି ପାଇଁ କୌଣସି ସୁବ୍ୟବସ୍ଥା ବାଲେଶ୍ଵରରେ ନଥିବାରୁ ସେମାନଙ୍କୁ ନିରାଶ ହେବାକୁ ପଡେ।