ରେଳ ଫାଟକ ପାଖରେ Passanger Halt ଦାବିରେ ଧାରଣା

ରେମୁଣା ନିର୍ବାଚନ ମଣ୍ଡଳୀ ଅଧିନ ବାଙ୍ଗରାରେ ଥିବା ରେଳ ଫାଟକ ଠାରେ ଏକ Passanger Halt ରେଳ ଷ୍ଟେସନ ଓ ରେଳ ଫାଟକ ପାଖରେ ଏକ ଗଳା ପୋଲୋ ନିର୍ମାଣ ଦାବିରେ ସାମାଜିକ ନ୍ୟାୟ ଓ ଅଧିକାର ମଞ୍ଚ ପକ୍ଷରୁ ଧାରଣା । ଅଧିକ ପଢନ୍ତୁ

ବାଲେଶ୍ବର:ଜିଲ୍ଲାର ରେମୁଣା ନିର୍ବାଚନ ମଣ୍ଡଳୀ ଅଧିନ ବାଙ୍ଗରାରେ ଥିବା ରେଳ ଫାଟକଠାରେ ଏକ Passanger Halt ରେଳ ଷ୍ଟେସନ ଓ ରେଳ ଫାଟକ ପାଖରେ ଏକ ଗଳା ପୋଲୋ ନିର୍ମାଣ ଦାବିରେ ସାମାଜିକ ନ୍ୟାୟ ଓ ଅଧିକାର ମଞ୍ଚ ପକ୍ଷରୁ ଧାରଣା ଦିଆଯାଇଛି । ପୂର୍ବରୁ ଏହିଠାରେ ରେଳରୋକ ପାଇଁ ପ୍ରସ୍ତାବ ରହିଥିଲା । ରେଳବାଇ ପକ୍ଷରୁ ଏକ ଟିମ ବାଙ୍ଗରା ରେଳ ଫାଟକ ଠାରେ ପହଞ୍ଚି ପ୍ରସ୍ତାବିତ ବାଙ୍ଗରା ରେଳ ଷ୍ଟେସନର ଅନୁଧ୍ୟାନ ମଧ୍ୟ କରିଥିଲେ ।

ଏଥିସହ ଯଥାଶୀଘ୍ର ରେଳ ଷ୍ଟେସନ ହେବାର ନିର୍ଭର ପ୍ରତିଶୃତି ଦେଇଥିଲେ । ତେବେ ଦାବି ପୂରଣ ନହେବାରୁ ରେଳଯାତ୍ରୀଙ୍କ ଅସୁବିଧାକୁ ଲକ୍ଷ୍ୟ କରି ରେଳରୋକ ବଦଳରେ ଶାନ୍ତିପୂର୍ଣ୍ଣ ଧାରଣା ଦିଆଯାଇଛି । ଏନେଇ ଏକ ଦାବିପତ୍ର ରେଳ କର୍ତ୍ତୃପକ୍ଷଙ୍କୁ ପ୍ରଦାନ କରାଯାଇଛି ।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ