ବାଲେଶ୍ବର: ଲଗାଣ ବର୍ଷାଜନିତ ଜଳବନ୍ଦୀ ସମସ୍ୟାରେ ଫସିଥିଲେ ଗର୍ଭବତୀ । ଖବର ପାଇ ବିଧାୟକ ପହଞ୍ଚି ବୋଟ ଯୋଗେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛନ୍ତି । ଏପରି ଘଟଣା ଦେଖିବାକୁ ମିଳିଛି ବାଲେଶ୍ବର ସଦର ନିର୍ବାଚନ ମଣ୍ଡଳୀ ଓଲନ୍ଦା ସାରଗାଁ ପଞ୍ଚାୟତର ମଣ୍ଡାଧାର ଗ୍ରାମର ।
ଘଟଣାକ୍ରମରେ ବାଲେଶ୍ବର ସଦର ନିର୍ବାଚନ ମଣ୍ଡଳୀ ଓଲନ୍ଦା ସାରଗାଁ ପଞ୍ଚାୟତର ମଣ୍ଡାଧାର ଗ୍ରାମର ଜଣେ ଗର୍ଭବତୀ ମହିଳା ପାଣି ଘେରରେ ଫସିଥିଲେ। ପ୍ରସବ ବେଦନା ହେଉଥିବାବେଳେ ତାଙ୍କୁ ମେଡିକାଲ ନେବା ପାଇଁ ସମ୍ଭବ ହୋଇନଥିଲା । ଏ ବିଷୟରେ ଖବର ପାଇ ସଦର ବିଧାୟକ ସ୍ବରୂପ କୁମାର ଦାସ ବଇଁଚା ପଞ୍ଚାୟତର ଗୁଜୁରୀବଜାର ଠାରୁ ଗର୍ଭବତୀ ମହିଳାଙ୍କୁ ଏକ ବୋଟ ଯୋଗେ ପ୍ରାୟ ୫ କିମି ବନ୍ୟାପାଣି ସ୍ରୋତରୁ ଉଦ୍ଧାର କରିବା ସହ ହସ୍ପିଟାଲରେ ଭର୍ତ୍ତି କରି ଚିକିତ୍ସା ପାଇଁ ବ୍ୟବସ୍ଥା କରିଥିଲେ। ଉକ୍ତ ମହିଳା ହସ୍ପିଟାଲରେ ଏକ ପୁତ୍ର ସନ୍ତାନ ଜନ୍ମ ଦେବା ସହ ଉଭୟ ମା ଓ ଶିଶୁ ସୁସ୍ଥ ଥିବା ସୂଚନା ରହିଛି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ