ବାଲେଶ୍ବର:ଜିଲ୍ଲାରେ ଆକ୍ସନ ମୋଡ଼ରେ ଖାଦ୍ୟ ସୁରକ୍ଷା ଟିମ । ଲୋକଙ୍କ ସ୍ବାସ୍ଥ୍ୟକୁ ଦୃଷ୍ଟିରେ ରଖି ଆଜି(ସୋମବାର) ଜିଲ୍ଲାର ଅନେକ ଅଞ୍ଚଳରେ ଥିବା ମିଠା ଦୋକାନରେ ଚଢାଉ କରିଛି ଟିମ । ଦୋକାନରେ ଥିବା ବାସି ମିଠା ନଷ୍ଟ କରିବା ସହ ଦୋକାନୀଙ୍କ ଠାରୁ ଜରିମାନା ଆଦାୟ କରାଯାଇଛି ।
ଆଗକୁ ଦୁର୍ଗାପୂଜା ଆସୁଥିବା ବେଳେ ଜିଲ୍ଲା ମୁଖ୍ୟ ଚିକିତ୍ସାଳୟରୁ ଖାଦ୍ୟ ସୁରକ୍ଷା ଟିମ ବାହାରି ମୋତିଗଞ୍ଜ, ନୂଆବଜାର, ଫକୀର ମୋହନ ଗୋଲେଇ ଓ କୁରୁଡ଼ା ଛକ ଅଞ୍ଚଳରେ ଥିବା ମିଠା ଦୋକାନରେ ଥିବା ମିଠାର ମାନ ଯାଞ୍ଚ କରିଥିଲା । ଏହି ଯାଞ୍ଚ ସମୟରେ ବିଭିନ୍ନ ଦୋକାନରୁ ପ୍ରାୟ 10 କିଲୋ ବାସି ମିଠା ଜବତ କରାଯାଇ ସେସବୁ ନଷ୍ଟ କରି ଦିଆଯାଇଛି ।