ବାଲେଶ୍ବର:ସୋର ରେଳ ଷ୍ଟେସନ ଟିକେଟ କାଉଣ୍ଟରରେ ବିଳମ୍ବିତ ରାତିରେ ନିଆଁ ଲାଗିଥିବା ଜଣାପଡିଛି । ତେବେ ଏଥିରେ କେହି ମୃତାହତ ହୋଇ ନଥିବା ସୂଚନା ରହିଥିବାବେଳେ ଟିକେଟ କାଉଣ୍ଟରଟି ଜଳିଯାଇଛି । ଖବର ପାଇ ସୋର ଅଗ୍ନିଶମ ବିଭାଗ ଟିମ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ।
ସୋର ରେଳ ଷ୍ଟେସନ ଟିକେଟ କାଉଣ୍ଟରରେ ନିଆଁ, ଯାତ୍ରୀ ସେବା ବାଧାପ୍ରାପ୍ତ ପ୍ରତ୍ୟକ୍ଷଦର୍ଶୀଙ୍କ ଠାରୁ ମିଳିଥିବା ସୂଚନା ଅନୁସାରେ, ଟିକେଟ କାଉଣ୍ଟରରେ ଥିବା ଇଲେକ୍ଟ୍ରିକ୍ ବୋର୍ଡରୁ ସଟ୍ ସର୍କିଟ୍ ହୋଇ ନିଆଁ ଲାଗିଥିଲା । ତେବେ ନିଆଁ ଲାଗିବା ଦ୍ବାରା କେତେ ମାତ୍ରାରେ କ୍ଷତି ଘଟିଛି, ତାହା କିଛି ଜଣାପଡିନି । ହେଲେ ଟିକେଟ କାଟିବା ପ୍ରକ୍ରିୟାରେ ବାଧା ସୃଷ୍ଟି ହୋଇଥିବା ଅଭିଯୋଗ କରିଛନ୍ତି ଯାତ୍ରୀ ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
