ବାଲେଶ୍ବର: ବ୍ରାଉନସୁଗାର ଚାଲାଣ ବେଳେ 2 ଜଣ ଗିରଫ । ଦୁଇ ଅଭିଯୁକ୍ତଙ୍କୁ ଗିରଫ କରିଛି ସହଦେବଖୁଣ୍ଟା ଥାନା ପୋଲିସ। ସେମାନଙ୍କ ନିକଟରୁ କାର ସହ ବ୍ରାଉନ ସୁଗାର ଜବତ କରାଯାଇଛି। ଜବତ ବ୍ରାଉନସୁଗାରର ମୂଲ୍ୟ ପାଖାପାଖି 4 ଲକ୍ଷ ଟଙ୍କା ହେବ ବୋଲି ଜଣାପଡିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବାଲେଶ୍ବର
ପୋଲିସ ସୂଚନା ଅନୁସାରେ, ଗତକାଲି(ଶନିବାର) ସନ୍ଧ୍ୟାରେ ସହରର ଅରଡ ବଜାରରୁ ବ୍ରାଉନସୁଗାର ନେଇ କୋଣାର୍କ ବାହାରିଥିଲେ ଦୁଇ ଅଭିଯୁକ୍ତ । ଏ ସମ୍ପର୍କରେ ଖବର ପାଇ ସହଦେବଖୁଣ୍ଟା ପୋଲିସ ହରିପୁର ଛକ ନିକଟରୁ ଅଭିଯୁକ୍ତଙ୍କୁ କାବୁ କରିଥିଲା। ସେମାନଙ୍କ ନିକଟରୁ 40 ଗ୍ରାମର ବ୍ରାଉନସୁଗାର, 3ଟି ମୋବାଇଲ, ନଗଦ 4 ହଜାର ଟଙ୍କା ଓ ଏକ ହ୍ୟୁଣ୍ଡାଇ କାର ଜବତ କରିଛି ପୋଲିସ।