ବଦଳିଲେ ବାଲିଆପାଳ ଆଇଆଇସି

ବାଲିଆପାଳ ଆଇଆଇସି ପ୍ରଭୁକଲ୍ୟାଣ ଆଚାର୍ଯ୍ୟଙ୍କ ବଦଳି । ନାବାଳକ ମୃତ୍ୟୁ ଘଟଣା ପରେ ଦେଖା ଦେଇଥିବା ଉତ୍ତେଜନାକୁ ଆଖିରେ ରଖି ବିଭାଗ ପକ୍ଷରୁ ନିଷ୍ପତ୍ତି ।

ବାଲେଶ୍ବର: ବଦଳିଲେ ବାଲିଆପାଳ ଆଇଆଇସି ପ୍ରଭୁକଲ୍ୟାଣ ଆଚାର୍ଯ୍ୟ । ତାଙ୍କ ସ୍ଥାନରେ ରେମୁଣା ଆଇଆଇସି ରଞ୍ଜିତ ସାହୁଙ୍କୁ ନିଯୁକ୍ତି ମିଳିଛି । ବାଳିଆପାଳ ନାବାଳକ ମୃତ୍ୟୁ ଘଟଣାକୁ ନେଇ ଉତ୍ତେଜନା ପରେ ଏପରି ନିଷ୍ପତ୍ତି ନିଆଯାଇଛି ।

ବାଲିଆପାଳରେ ଦୁଇଦିନ ହେଲା ଢ଼ାବାରେ କାମ କରୁଥିବା ନାବାଳକର ମୃତ୍ୟୁକୁ ନେଇ ନିଆଁ ଜଳୁଛି । ଶୁକ୍ରବାର ଏହାକୁ ନେଇ ଆଇଆଇସି ପ୍ରଭୁକଲ୍ୟାଣ ଆଚାର୍ଯ୍ୟଙ୍କୁ ଉତ୍ୟକ୍ତ ଲୋକମାନେ ଗୋଡ଼ାଇ ଗୋଡ଼ାଇ ମାଡ଼ ମାରିଥିଲେ । ଆଇନ ଶୃଙ୍ଖଳା ପରିସ୍ଥିତିକୁ ଆୟତ୍ତ କରିବାରେ ଆଇଆଇସି ଅସମର୍ଥ ହେବା ଘଟଣାକୁ ଆଖିରେ ରଖି ବିଭାଗ ପକ୍ଷରୁ ବଦଳି କରାଯାଇଛି ।

ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ