ବାଲେଶ୍ବର:ଆର୍ଟ ଓ ଚାରୁ କଳା କଲେଜର ଅଧ୍ୟକ୍ଷକୁ ନେଇ ଉଠିଥିବା ବିବାଦ ଥମିବାର ନା ନେଉନାହିଁ । ବିବାଦ ଦିନକୁ ଦିନ ଅଧିକ ଘନୀଭୂତ ହେବାରେ ଲାଗିଛି । ଅଧ୍ୟକ୍ଷଙ୍କ ବିରୋଧରେ ଆସିଛି ସାଂଘାତିକ ଅଭିଯୋଗ । ଆର୍ଟ କଲେଜକୁ ନିଜ ନାଁରେ କରିଥିବା ଅଭିଯୋଗ କରିଛନ୍ତି ଚିତ୍ରଶିଳ୍ପୀ କେଶୁ ଦାସ ।
ଅଭିଯୋଗ ଅନୁସାରେ, ରେମୁଣା ତହସିଲ ଅଧିନ ଆଳୁପୁର ମୌଜା ଖାତା ନଂ 58/324 ବାଲେଶ୍ଵର ଆର୍ଟ ଏଣ୍ଡ କ୍ରାଫ୍ଟ କଲେଜ ମାର୍ଫତ ନିକୁଞ୍ଜ ବିହାରୀ ଦାସ ନିଜ ବ୍ୟକ୍ତିଗତ ନାମରେ କରିଛନ୍ତି । ସେପଟେ 58/265 ଖାତା ନଂ ସମ୍ପାଦକ ଚାରୁ ଓ କାରୁକଳା କଲେଜ ନାଁରେ ରହିଛି । ଯାହାକୁ ନେଇ ସିଧାସଳଖ ଅଧ୍ୟକ୍ଷଙ୍କ ଉପରକୁ ଆଙ୍ଗୁଳି ଉଠାଇଛନ୍ତି ଛାତ୍ରଛାତ୍ରୀ ଓ ଅଭିଭାବକ। ତେବେ ଏହି ସବୁ ଘଟଣାରେ ଉପଯୁକ୍ତ ତଦନ୍ତର ଆଵଶ୍ୟକତା ରହିଥିବା କୁହାଯାଇଛି ।