ବାଲେଶ୍ବର: ଜମୁଛି ବାଲେଶ୍ଵର ସଦର ଉପନିର୍ବାଚନ। ପ୍ରାର୍ଥୀମାନେ ଏବେ ପ୍ରଚାର ମୈଦାନରେ। ଏହି ସମୟ ଭିତରେ ବିଭିନ୍ନ ଦଳରେ ଚାଲିଛି ମିଶ୍ରଣ ପର୍ବ। କଂଗ୍ରେସ ଦଳର 2019 ନିର୍ବାଚନରେ ସଦର ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ ମାନସ ଦାସ ପଟ୍ଟନାୟକ କଂଗ୍ରେସ ଛାଡି ବିଜେଡିରେ ସାମିଲ ହୋଇଛନ୍ତି।
ବିଜେଡିରେ 2019 ନିର୍ବାଚନର କଂଗ୍ରେସ ବିଧାୟକ ପ୍ରାର୍ଥୀ ମାନସ ଦାସପଟ୍ଟନାୟକ
ଗତ ନିର୍ବାଚନରେ ମାନସ 20 ହଜାର ଭୋଟ ପାଇଥିବା ବେଳେ ଚଳିତ ଉପନିର୍ବାଚନରେ ଦଳ ତାଙ୍କୁ ଟିକେଟ ଯାଚିଥିଲା ବୋଲି ସେ କହିଛନ୍ତି। ମାତ୍ର କଂଗ୍ରେସ ର ସଂଗଠନ ସୁଦୃଢ଼ ନଥିବାରୁ ସେ ନିର୍ବାଚନ ମୈଦାନକୁ ଆସି ନଥିଲେ ବୋଲି କହିଛନ୍ତି। ଅନେକ କିଛି କାର୍ଯ୍ୟ ବାଲେଶ୍ୱରରେ କରିବା ପାଇଁ ଇଚ୍ଛା ରଖିଥିବା ବେଳେ କଂଗ୍ରେସ ସହ ରହି ସେସବୁ କରିହେବ ନାହିଁ ବୋଲି ସେ କହିବା ସହ ବିଜେଡିର ବିକାଶ ତାଙ୍କୁ ପ୍ରଭାବିତ କରିଥିବା ସେ କହିଛନ୍ତି। ଏହାସହ କଂଗ୍ରେସ ପ୍ରତି ତାଙ୍କର କୌଣସି ନୈରାଶ୍ୟ ଭାବ ନାହିଁ ବୋଲି ମଧ୍ୟ ସେ ସ୍ପଷ୍ଟ କରିଛନ୍ତି।