ନୂଆଦିଲ୍ଲୀ: ମହଙ୍ଗା ମାଡରୁ ସାମାନ୍ୟ ଆଶ୍ବସ୍ତି । ମାସ ଆରମ୍ଭରୁ ଶସ୍ତା ହେଲା ଏଲପିଜି ସିଲିଣ୍ଡର(LPG Cylinder) । ଆଜି ବ୍ୟବସାୟିକ ଏଲପିଜି ସିଲିଣ୍ଡର(Commercial LPG cylinder Price slashed) ଦାମ୍ କମିଛି । ୧୯ କିଲୋଗ୍ରାମ ବ୍ୟବସାୟିକ ଗ୍ୟାସ ସିଲିଣ୍ଡର ଦାମ୍ ପାଖାପାଖି ୧୦୦ ଟଙ୍କା ହ୍ରାସ ପାଇଛି । ହେଲେ ଘରୋଇ ରନ୍ଧନ କାର୍ଯ୍ୟରେ ବ୍ୟବହୃତ ୧୪.୨ କେଜି ବିଶିଷ୍ଟ LPG ସିଲିଣ୍ଡର ମୂଲ୍ୟ ଅପରିବର୍ତ୍ତିତ ରହିଛି ।
ଆଜି(ଗୁରୁବାର) ଜାତୀୟ ରାଜଧାନୀ ଦିଲ୍ଲୀରେ ୧୯ କିଲୋଗ୍ରାମ ବ୍ୟବସାୟିକ ଗ୍ୟାସ ସିଲିଣ୍ଡର ଦାମ ୯୧.୫୦ ଟଙ୍କା ହ୍ରାସ ପାଇଛି । ସେହିପରି କୋଲକାତାରେ ଏହି ସିଲିଣ୍ଡର ଦର ୧୦୦ ଟଙ୍କା, ବାଣିଜ୍ୟ ନଗରୀ ମୁମ୍ବାଇରେ ୯୨.୫୦ ଟଙ୍କା, ଚେନ୍ନାଇରେ ୯୬ ଟଙ୍କା ଶସ୍ତା ହୋଇଛି । ଏହି ହ୍ରାସ ସହିତ ଆଜିଠୁ ଦିଲ୍ଲୀରେ ଏଲପିଜି ସିଲିଣ୍ଡର ଦାମ୍ ୧୯୭୬.୫୦ ଟଙ୍କାରେ ପହଞ୍ଚିଛି । ଏହି କ୍ରମରେ କୋଲକାତାରେ ଦାମ୍ ୧୯୯୫.୫ ଟଙ୍କାକୁ ହ୍ରାସ ପାଇଛି । ମୁମ୍ବାଇରେ ବ୍ୟବସାୟିକ ସିଲିଣ୍ଡର ୧୮୪୪ ଟଙ୍କାରେ ବିକ୍ରି ହେଉଛି ।