ହାଇଦ୍ରାବାଦ: କଠିନ ପରିସ୍ଥିତିରେ ପରିବାରର ସୁରକ୍ଷା ପାଇଁ ଜୀବନ ବୀମା ପଲିସି(life insurance policy) ନେବା ଅତ୍ୟନ୍ତ ଜରୁରୀ ହୋଇପଡିଛି । ଆଜିକାଲି ପ୍ରାୟ ସମସ୍ତ ଲୋକେ ଜୀବନ ବୀମା ନେଇଥାନ୍ତି । ଜୀବନ ବୀମା ବା ଲାଇଫ ଇନସ୍ୟୁରାନ୍ସ ଦୁର୍ଘଟଣା, ମାରାତ୍ମକ ରୋଗ ଏବଂ ବାର୍ଦ୍ଧକ୍ୟଜନିତ ମୃତ୍ୟୁରୁ ଆପଣଙ୍କ ପରିବାରକୁ ଆର୍ଥିକ ସୁରକ୍ଷା ପ୍ରଦାନ କରିଥାଏ । ଯେତେବେଳେ କୌଣସି କାରଣ ଯୋଗୁଁ ପଲିସିଧାରକ(policyholder)ଙ୍କ ମୃତ୍ୟୁ ଘଟେ, କମ୍ପାନୀ ବ୍ୟକ୍ତିଙ୍କ ବୀମା ପଲିସିର ଟର୍ମ ଅନୁଯାୟୀ ହିତାଧିକାରୀ ବା ନୋମିନିଙ୍କୁ କ୍ଲେମ ଦେଇଥାଏ । ହେଲେ ଅନେକ ସମୟରେ ଦେଖାଯାଉଛି ଯେ, ଲୋକଙ୍କ ନିକଟକୁ ବିଭିନ୍ନ ବୀମା ସ୍କିମ ସଂକ୍ରାନ୍ତୀୟ କଲ୍ ଆସୁଛି । ଠକମାନେ ଆକର୍ଷଣୀୟ ଅଫର୍ ଆଳରେ ପଲିସିଧାରକଙ୍କ ଠାରୁ ଲକ୍ଷାଧିକ ଟଙ୍କା ଠକେଇ କରୁଛନ୍ତି । ତେଣୁ କେବେ ବି କୌଣସି ଫୋନ କଲ୍ କିମ୍ବା ଇମେଲ ମେସେଜର ବିଶ୍ବାସ କରନ୍ତୁ ନାହିଁ । ଏହାସହିତ କୌଣସି ସନ୍ଦେହଜନକ ଲିଙ୍କକୁ ମଧ୍ୟ କ୍ଲିକ୍ କରନ୍ତୁ ନାହିଁ । ନଚେତ୍ କ୍ଷଣିକ ମଧ୍ୟରେ ଆପଣ ଜୀବନଯାକର ପୁଞ୍ଜି ହରାଇପାରନ୍ତି ।
ଯେତେବେଳେ କିଛି ବୀମା ବା ଇନସ୍ୟୁରାନ୍ସ ପଲିସି ଚୟନ କରୁଛନ୍ତି, ସର୍ବଦା ଚିନ୍ତା କରିବେ ଏହା ଆପଣଙ୍କ ପାଇଁ କେତେ ଉପାଦେୟ ହେବ ? ଏହି ପଲିସି ନିବେଶ କ୍ଷେତ୍ରରେ ପୂର୍ଣ୍ଣ ସୁରକ୍ଷା ପ୍ରଦାନ କରିବ ଅବା ଅବସର ପରେ ଏହା ଉପଯୋଗୀ ହେବ ସେ ଦିଗରେ ମଧ୍ୟ ଯଥେଷ୍ଟ ସଚେତନ ହେବା ଜରୁରୀ । ତେବେ ଆଜିକାଲି ଠକମାନେ କେଉଁ ପ୍ରକାର ମେସେଜ ସବୁ ପଠାଉଛନ୍ତି, ସେ ବିଷୟରେ ଧାରଣା ରଖିବା ଜରୁରୀ ।