ନୂଆଦିଲ୍ଲୀ: କେନ୍ଦ୍ର ସରକାର ଖୁବ ଶୀଘ୍ର "ମେରା ବିଲ୍ ମେରା ଅଧିକାର" ନାମକ ଏକ ଯୋଜନା ଆରମ୍ଭ କରିବାକୁ ଯାଉଛନ୍ତି । ଏହା ସେପ୍ଟେମ୍ବର 1ରୁ ଦେଶର 6ଟି ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଆରମ୍ଭ ହେବାକୁ ଯାଉଛି । ତେବେ ଏହି ମୋବାଇଲ ଆପ୍ ଜରିଆରେ ବିଲ ଅପଲୋଡ କରି ଗ୍ରାହକମାନେ 10 ହଜାର ଟଙ୍କାରୁ ଆରମ୍ଭ କରି 1 ଲକ୍ଷ ଟଙ୍କା ପର୍ଯ୍ୟନ୍ତ ନଗଦ ପୁରସ୍କାର ଜିତିପାରିବେ ।
ତେବେ ସେଣ୍ଟ୍ରାଲ୍ ବୋର୍ଡ ଅଫ୍ ଇନ୍ଡାଇରେକ୍ଟ ଟାକ୍ସ୍ ଆଣ୍ଡ୍ କଷ୍ଟୋମ (ସିବିଆଇସି)ର କହିବା ଅନୁସାରେ, "ମେରା ବିଲ୍ ମେରା ଅଧିକାର" ଏକ ମୋବାଇଲ ଆପ୍ । ଏହି ଯୋଜନା ଲୋକମାନଙ୍କୁ ଜିନିଷ କ୍ରୟ କରିବା ସମୟରେ ବିଲ୍ ମାଗିବା ପାଇଁ ପ୍ରୋତ୍ସାହିତ କରିବ । ତେବେ ଏହି ଆପ୍କୁ ଆସାମ, ଗୁଜୁରାଟ ଓ ହରିୟାଣା ଭଳି ରାଜ୍ୟ ଏବଂ ପୁଡୁଚେରି, ଡାମନ ଓ ଡିଉ ଏବଂ ଦାଦ୍ରା ଓ ନଗର ହାବେଳୀ ଆଦି କେନ୍ଦ୍ର ଶାସିତ ଅଞ୍ଚଳରେର ଆରମ୍ଭ କରାଯିବା ଏନେଇ ସିବିଆଇସି ସୂଚନା ଦେଇଛି । ଏହା ସହ ଏହି ଆପ୍ ମାଧ୍ୟମରେ ଗ୍ରାହକମାନେ ଜିଏସଟି ବିଲ୍ ଅପଲୋଡ କରି ନଗଦ ପୁରସ୍କାର ପାଇ ପାରିବେ ।
ଏହା ମଧ୍ୟ ପଡ଼ନ୍ତୁ....ଡାକ୍ତର ହେବେ ଫେରିବାଲା ଝିଅ; ପାଠପଢାରେ ସହାୟ ହେବ କଳିଙ୍ଗ ଶିକ୍ଷା ସାଥି ଯୋଜନା